1 Corinto 7:34 - U Maganda A Baheta Ni Jesu-Cristo

³⁴ Dipo he ay mahate u págserbi na. Konna labe hod tu mámmadiket sakay u bábbey hide a awan ti kabanga, u pakán abalaan de ay u bagay hide a patungkul tu Panginoon dipo gusto de a metalaga u buo de a biyag tu pagserbi tu Panginoon. Pero u bábbey a tehhod a kabanga ay u bagay ti lutaáy u pakán abalaan na, dipo gusto na a mapasaya u kabanga na.

1 Corinto 7:34 Σταυροειδείς Αναφορές

Juan 10:13

Lakaden na u tupa hide dipo áupaan la, kanya awan ti malasakit tu tupa hide.

Roma 6:13

Dyan moy dán gamitán u hádya man a parte nu bággi moy tu pággimet ti kasalanan. Nan iyalay moy tu Diyos u sadile moy bilang tolay a inatádden ti bigu a biyag. Ilaan moy tu Diyos u bággi moy tu pággimet ti maganda.

1 Corinto 6:20

Dipo natubus kamon ti dakál a halaga. Kaya gamitán moy u bággi moy para maparangalan u Diyos.

1 Corinto 7:33

Pero u pággaabalaan nu lállake a tehhod a kabanga ay u bagay hide ti munduwáy, dipo gusto na a mapasaya u kabanga na.

1 Corinto 7:35

Kinagi ko iye tánni matulungan takam. Awan takam higpitan; u gusto kula ay meangay kam ti maayus a kákkabiyag, tánni awan kam maabala a magserbi tu Panginoon.

2 Corinto 11:28

Maliban tu agum pa a karanasan a awan ko nabanggit, áisipán ko pa aldew-aldew u mánnampalataya hide.

2 Corinto 8:16

Pero magpasalamaták tu Diyos dipo impabate na ni Tito u págmalasakit na nikam a kapareho nu págmalasakit ko nikam.

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.

1 Timoteo 3:5

Dipo ni awan na kaya a mapangasiwaan u sadile na a pamilya, kodya na a mapangasiwaan u simbaan nu Diyos?

1 Timoteo 5:5

U tatahoden a bilo a bábbey ay u mággeessa dálla ti kákkabiyag sakay u Diyos dálla u áasaan na, kaya makándasalán siya aldew ay ti gibi.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.