1 Corinto 7:30 - U Maganda A Baheta Ni Jesu-Cristo

³⁰ Dyan moy pabayan a u págluksa, págsaya, sakay pati be tu págbale ti ari-ariyan u magin dahilan nu káadág moy tu págserbi moy tu Diyos.

1 Corinto 7:30 Σταυροειδείς Αναφορές

Lukas 16:25

Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina.

Lukas 6:21

Pinagpala u magaláp hide nadid, dipo bássugán kam nu Diyos! Pinagpala u mágsanget hide nadid, Dipo magkahod kam ti kasayaan!

Lukas 6:25

Kakagbi kam a bássog hide nadid, dipo aláppán kam! Kakagbi u mágtatawaán hide nadid, Dipo maglungkut sakay magsasangitán kam!

Juan 16:22

Konna kam bi hod. Malungkut kam nadid, pero masaya kam tu aldew a mamágketa kitam a huway. Sakay awan ti maskin ti deya a makaagew tu kasayaan moy.

1 Corinto 7:29

Iye u gusto ko a kagiyán, kákkapatkákka: adene dán u netakda a panahun, kaya sapul nadid, u tehhod a kabanga ay mabiyag a kumán a madiket.

1 Corinto 7:31

Sakay u mágpapospusán dálla tu bagay hide ti lutaáy ay ibali awan na dán. Dipo u atanan a katoy ti lutaáy ay mawan.

Pahayag 18:7

Ni kodya siya a nagpakasaya sakay nagmataas tu itod, ay ipabate moy be nikuna u katapat ni iye hide a kahirapan sakay kalungkutan. Dipo u pirme na a kákkagiyán ay ‘Tanyagák a Raina! Awanák bilo, sakay awanák makadadanas ti kalungkutan maski nikan!’

Pahayag 7:17

Dipo u Tupa a katoy tu bállog nu trono u magin tagapag-alaga de. Iyangay na hide tu bukal a makapangatád ti biyag; sakay pahidán nu Diyos u luwa tu mata de, dipo awan dán ti dahilan para malungkut hide.”