1 Corinto 7:26 - U Maganda A Baheta Ni Jesu-Cristo

^26-27 Iye u makagi ko nikam nadid a panahun ni sákhirap. Ni tehhod ka dán a kabanga, ay dyan mo dán hiwalayan u kabanga mo. Ni awan ka palla ti kabanga ay mas maganda ni dyan ka dálla mákkabanga. Dipo tu palagay ko ay mas maganda pa a magtulos-tulos ka tu kalagayan mo ti biyag nikuna dulawán ka nu Diyos.

1 Corinto 7:26 Σταυροειδείς Αναφορές

Mateo 24:19

Kakagbi a tahod u mabuktet sakay u magpasuso ti aldew an itod!

Lukas 21:23

Kakagbi u mabuktet hide sakay u magpasuso hide ti aldiwan itod! Dipo dumemát u mahigpit a hirap ti lugaran itod, bilang pagparusa nu Diyos ti bansaan ina.

1 Corinto 7:1

Nadid, sa iye u makagi ko tungkul tu sulat moy nikán: mas maganda pa ni awan dán mákkabanga u essa a lállake.

1 Corinto 7:28

Pero ni mákkabanga kam, ay awan kam magkasala. Sakay ni mákkabanga be u madiket ay awan siya magkasala. Pero u mákkabanga ay makadanas ti makpal a hirap ti biyagan iye, sakay ina a hirap u gusto ko a maiwasan moy.

1 Corinto 7:8

Sa iye u makagi ko tu mámmadiket sakay tu bábbelo hide a bábbey: mas maganda pa ni awan kamon mákkabanga a konna nikán.

2 Tesalonica 2:2

diyan kam manteng oni mabalisa tu mabaheta moy a dumemát dán u Panginoon. Diyan kam maniwala maski ni kagiyán de a kinagi nide nu Banal a Ispirito, oni nabaheta de oni nabasa de tu essa a sulat a gábwat kan nikame.

1 Pedro 4:17

Nadid, adene dán a dumemát u panahun nu pághatul nu Diyos. Tu pághatul na ay idipalongo na a hatulan u pinile na hide. Ni hikitam a anak na idipalongo naay a hatulan ay tunay ti dágge u parusa a maguhay tu tolay hide a awan maniwala tu Maganda a Baheta a gábwat tu Diyos.