1 Corinto 7:25 - U Maganda A Baheta Ni Jesu-Cristo

²⁵ Nadid, tungkul be tu mámmadiket sakay tu bábbelo hide, awanák ti mekagi a utus a gábwat tu Panginoon. Pero bilang essa a tolay a mapagkatiwalaan dipo tu kagbi nikán nu Panginoon ay iye u mekagi ko,

1 Corinto 7:25 Σταυροειδείς Αναφορές

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

1 Corinto 4:2

U katiwala ay kailangan a magin tapat tu amo na.

1 Corinto 7:10

Sa iye u utos hide tu tehhod hide a kabanga, bakán iye a gábwat nikán nan gábwat tu Panginoon: dyan mákhiwalay u bábbey tu kabanga na.

1 Corinto 7:12

Para tu agum, sa iye u makagi ko: ni u essa a lállake a mánnampalataya ay tehhod a kabanga a awan mánnampalataya sakay gusto na palla a mák-agum nikuna ay dyan na siya hiwalayan.

1 Corinto 7:28

Pero ni mákkabanga kam, ay awan kam magkasala. Sakay ni mákkabanga be u madiket ay awan siya magkasala. Pero u mákkabanga ay makadanas ti makpal a hirap ti biyagan iye, sakay ina a hirap u gusto ko a maiwasan moy.

1 Corinto 7:34

Dipo he ay mahate u págserbi na. Konna labe hod tu mámmadiket sakay u bábbey hide a awan ti kabanga, u pakán abalaan de ay u bagay hide a patungkul tu Panginoon dipo gusto de a metalaga u buo de a biyag tu pagserbi tu Panginoon. Pero u bábbey a tehhod a kabanga ay u bagay ti lutaáy u pakán abalaan na, dipo gusto na a mapasaya u kabanga na.

1 Corinto 7:40

Pero palagay ko ay mas magin masaya siya ni awan dán siya mákkabanga a huway. Ina u makagi ko, sakay tukoy ko a he nikán u Ispirito nu Diyos.

1 Corinto 7:6

I kinagi kuwáy nikam ay bakán a utus nan payo tu kalagayan moy.

2 Corinto 11:17

U kákkagiyán ko a págmadakál ay bakán a gábwat tu Panginoon nan págmadakál nu tolay a awan ti tukoy.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.