1 Corinto 7:2 - U Maganda A Baheta Ni Jesu-Cristo

² Pero para maiwasan u pángngibábbey sakay pángngilállake, ay masmaganda a magkahod ti kabanga u bawat lállake sakay bábbey.

1 Corinto 7:2 Σταυροειδείς Αναφορές

Mateo 5:32

Pero nadid ay itoldu ko nikam a ni ti deya man u humiwalay tu kabanga na a bábbey maski awan nangilállake ay nagkasala siya dipo siya u te dahilan ni mákkabanga a huway u bábbey. U lállake a kumabanga be nikuna sakay u bábbey ay nagkasala ti pángngalunya.”

1 Corinto 6:18

Kaya iwasan moy u pángngibábbey sakay pángngilállake. U agum a kasalanan a gággimitán nu tolay ay awan makasida tu bággi, pero u mangibábbey sakay mángilállake ay magkasala tu sadile na a bággi.

1 Corinto 7:1

Nadid, sa iye u makagi ko tungkul tu sulat moy nikán: mas maganda pa ni awan dán mákkabanga u essa a lállake.

1 Corinto 7:3

Dapat tupadán nu lállake u tungkulin na tu kabanga na, sakay dapat konna bi hod u gimitán nu bábbey.

1 Corinto 7:9

Pero ni awan hide makapagpugád tu sadile de ay mas maganda pa ni mákkabanga dálla hide; dipo mas maganda pa ni mákkabanga nan ni awan makapagpugád tu sadili de dipo tu kákkasoh de.

Efeso 5:28

Kaya dapat a mahalán nu lállake hide u kákkabanga de konna tu págmahal de tu sadile de. Ni deya man u magmahal tu kabanga na ay magmahal be tu sadile na.

Efeso 5:33

Pero iye ay patungkul be tu balang essa nikam: hikam a lállake hide, mahalán moy u kákkabanga moy a konna tu sadili moy; hikam a bábbey hide, igalang moy u kákkabanga moy hide.

1 Tesalonica 4:4

Hikam a lállake hide dapat a magin banal sakay marangal u pákpággagum moy tu balang essa tu kakkabanga moy.

1 Timoteo 4:3

Ibawal de u pákkabanga sakay u agum a kalase a makan. Makan a u Diyos la u nanglalang a dapat nakwa a kanán ate págpasalamat lalu dán nikitam a mánnampalataya hide sakay nakatukoy tu tatahoden.