1 Corinto 7:14 - U Maganda A Baheta Ni Jesu-Cristo

¹⁴ Dipo u lállake a awan mánnampalataya ay magin karapat-dapat tu Diyos dipo tu kabanga na a mánnampalataya. Sakay u bábbey a awan mánnampalataya ay magin karapat-dapat dipo tu kabanga na a mannampalataya. Kaya u anak de hide ay malinis dán tu atubang nu Diyos dipo imbilang dán nu Diyos a malinis u págkabanga de.

1 Corinto 7:14 Σταυροειδείς Αναφορές

Gimet 10:23

Pinatulos hide ni Pedro sakay hod na dán hide a pinatidug ti gibiyan itod. Tu kadimadimangan ay nákkuyog siya nide, sakay kaguman u sangan a mánnampalataya a taga-Joppa.

Roma 11:16

Maare tam a mekompara u Judio hide tu essa a tinapay a inyalay nu Judio hide. Ni nakahandug dán tu Diyos u bahagi nu tinapay, konna labe hod u buo a tinapay. Sakay ni nakahandug dán tu Diyos u gimot nu essa a ponan nu kayo, konna labe hod ay kaguman dán u pinge-pinget na hide.

1 Corinto 7:13

Ni u essa a mánnampalataya a bábbey ay tehhod a kabanga a awan mánnampalataya sakay u lállake ay masoh palla a mák-agum nikuna ay dapat awan na hiwalayan u kabanga na.

1 Timoteo 4:5

Dipo atanan nu makan ay nebilang a malinis dipo itod u kinagi tu Upos nu Diyos sakay dipo dambe tu págdasal tam.

Tito 1:15

Malinis u atanan a bagay tu tehhod a malinis a isip, pero tu mágkadukás sakay tu awan mánnampalataya ay awan ti bagay a malinis dipo madangát u konsensiya sakay u pággisipan de hide.