1 Corinto 5:8 - U Maganda A Baheta Ni Jesu-Cristo

⁸ Kaya ngane ipagsaya tam iye a Piyesta, pero bakán a tu pamamag-itan nu tinapay a te date a págpaalsa nan tu pamamag-itan nu tinapay a awan ti págpaalsa. U gusto a kagiyán niiye ay adággen tamon u kadukássan tam sakay kahalayan sakay mabiyag kitam ti malinis sakay tapat.

1 Corinto 5:8 Σταυροειδείς Αναφορές

Mateo 16:12

Sakay naintendiyan di dán a magingat bál hide tu adal nu Pariseo hide sakay Saduseo bakán a págpaalsa.

Mateo 16:6

Kinagi ni Jesus nide, “Mag-ingat kam tu págpaalsa nu Pariseo hide sakay Saduseo.”

Markos 8:15

Kinagi nide ni Jesus, “Magingat kam tu págpaalsa nu Pariseo hide sakay ti Herodes.”

Lukas 12:1

Nikuna magdemáttan u libu-libu a tolay ay mágkegegemmakan di dán u balang essa nide dipo tu káppal nu tolay. Kinagi ni Jesus tu disepulus na hide, “Magingat kam tu págpaalsa a gággamitán nu Pariseo hide; u gusto ko a kagiyán ay mapagpakunware hide.

Juan 1:47

Pákketa ni Jesus ni Nataniel a paadene nikuna ay kinagi na, “Saáy u tunay a Israelita, a matapat.”

1 Corinto 3:3

Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

1 Corinto 5:1

Nakademát nikán u baheta a essa kan nikam u naggimet ti madangát dipo inagum na u kabanga nu ama na. Maski u awan hide makidiyos ay awan di ina magimet.

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 8:8

Awan ko iye kagiyán para utusan takam; nan kagiyán ko la iye a káttulung nu agum a simbaan tánni mepeta moy nikame u katapatan nu págmahal moy.

Efeso 6:24

Pagpalaán nakwa nu Panginoon a ti Jesu-Cristo u atanan a magmahal nikuna ti tapat.

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.