1 Corinto 5:7 - U Maganda A Baheta Ni Jesu-Cristo

⁷ Kanya ibutan moy dán u date a págpaalsa, u kasalanan tánni luminis kam. Tánni mepareho kam tu essa a bigu a namasa a awan ti págpaalsa. U tatahoden ay nalinisan kamon dipo nealay ti Cristo para nikitam. Konna siya tu tupa a iyalay kada aldew nu káttaleb.

1 Corinto 5:7 Σταυροειδείς Αναφορές

Mateo 13:33

Nagtalinghaga pa ti Jesus ti essa “U pághare nu Diyos ay konna tu lebadura a inhalo nu essa bábbey tu minasa a harina para maggimet ti tinapay. Simmannáp u lebadura tu harina kanya umalsa iye.”

Markos 14:12

Tu dipalongo a aldew nu Piyesta nu tinapay a awan ti Págpaalsa, aldew be nu págbuno de ti tupa para tu Piyesta nu aldew nu págtaleb. Tinanung nu disepulus na hide ti Jesus, “Hádya i gustu muway a pánghandaan me tu pangapon tam para tu Piyesta nu pággala-ala?”

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Juan 1:36

Nikuna a ketan na ti Jesus a magtaleb ay kinagi na, “Atoy dán u Tupa nu Diyos!”

Juan 19:14

Nadid ay dispiras dán nu kasayaan a Pággala-ala nu Pagtaleb nu Anghel, tamo dán a tanghale. Kinagi ni Pilato tu Judio hide, “Sa iye u hare moy!”

Roma 3:25

Ti Jesu-Cristo u pinaangay he nu Diyos ti munduwáy tánni iyalay na u biyag na, para maibut u iyamut nu Diyos nikitam, sakay tu pamamag-itan nu dige na ay napatawad dán u kasalanan tam ni sumampalataya kitam nikuna. Ginimet iye nu Diyos tánni ipeta na a siya ay matuwid, dipo tu purumero ay nagpasensiya siya sakay pinalipas na la u kasalanan a nagimet nu tolay hide a nakwa pinarusaan na dán hide.

1 Corinto 10:17

Makpal kitam pero nagkaessa kitam a kumán a eessa la a bággi dipo eessa la u tinapay a pamághate-hatiyán tam, kaya maski ni makpal kitam ay eessa la a baggi, dipo kabahagi kitam nu eessa a tinapay.

Efeso 4:22

ay dapat adággan moy dán u date moy a kákkabiyag dipo iye ay gimet nu date moy a pagkatolay. I pagkatolayan iye u mángpahamak nikam dipo tu mágkadukás a kagustuwan nu bággi a mágdaya nikam.

Pahayag 5:12

Mágkansiyon hide ti mabegsák: “U Tupa a binuno ay karapat-dapat a tumanggap ti kapangyariyan, kayamanan, karunungan, sakay begsák, karangalan, papuri sakay pággalang.”