1 Corinto 4:8 - U Maganda A Baheta Ni Jesu-Cristo

⁸ U akala moy beman ay awan kamon ti pagkukulang sakay mágkayaman kamon! Hare kamon bál maske awan mikam tinulungan! Nakwa ay nagin hare kamon ngane tánni magin hari kame be a kaguman moy.

1 Corinto 4:8 Σταυροειδείς Αναφορές

Mateo 5:1

Nadid tu pákketa ni Jesus tu makpal a tolay ay simmangkay siya tu badit a buked. Sakay inumetnod siya hod para magtoldu. Immunonod nikuna u disepulus na hide sakay inumetnod hide tu harapan na.

Lukas 6:25

Kakagbi kam a bássog hide nadid, dipo aláppán kam! Kakagbi u mágtatawaán hide nadid, Dipo maglungkut sakay magsasangitán kam!

Gimet 26:29

Timmábbeg ti Pablo, “Maski dakál oni badit a odas, basta i dasal kuwáy tu Diyos ay bakán la nakwa hiko nan pate u atanan a mágsaneg nikán nadid ay magin konna nikán, pero dyan la nakwa u pákkapungo ko.”

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

1 Corinto 1:5

Dipo tu pákpágkaessa moy ni Cristo ay limmagu kam tu atanan a bagay, magin ti paggupos sakay karunungan.

1 Corinto 4:18

U sangan nikam ay magmadakál dán dipo u akala de ay awanák dán hina angay.

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

2 Corinto 11:1

Nadid, pagpasensiyaanák moy ni magupusák a kumán a tolay a awan ti tukoy. Sabagay páppasensiyaannák moy labe.

2 Corinto 13:9

Dipo masayaák ni mahinaák sakay hikam ay bumegsák. Kaya, u idáddasal ko ay tulos-tulos kam a lumagu.

Galacia 6:3

Ni ti deyaman u magakala tu sadile na a mas higit siya tu agum pero awan labe ay nagbuli-bule tu sadile na.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

Pahayag 3:17

Dipo kagi moy a, ‘Mayaman kame sakay sagana tu atanan a bagay sakay awan kame dán ti iba a kailangan!’ Pero u awan moy tukoy ay lubu-lubus kam sakay kakagbi, mahirap a tahod, eklas, sakay buhák.

Pahayag 5:10

Sakay pinagin hare mo hide sakay saserdote para magserbi tu Diyos. Sakay maghare hide ti lutaáy.”