1 Corinto 3:5 - U Maganda A Baheta Ni Jesu-Cristo

⁵ Deya beman ti Apolos? Deyaák beman? Tagapagserbi kami la nu Diyos, ginamit nala tánni maakit kam a manalig ni Cristo. Gággimitán la nu balang essa u tarabaho a tinanggap na tu Panginoon.

1 Corinto 3:5 Σταυροειδείς Αναφορές

Mateo 25:15

Inatádden na ti pilak u kada essa ayon tu kanya-kanya na a kakayahan: inatádden na u essa ti limma a libo a piso, u essa be ay duwwa a libo sakay u essa be ay essa a libo Káttapos ay hinumektat siya.

Lukas 1:2

Insulat de u ayun tu intoldu nu tolay hide a naketa tu ginimet ni Jesus sapul tu sapul sakay nangaral tu upos nu Diyos.

Juan 3:27

Timmábbeg ti Juan, “Awan ti magimet u tolay ni awan ipakultad nu Diyos.

Gimet 18:24

Tehhod a dimmemát a essa a Judio ti Efeso a Apolos u ngahan na, neenak siya ti Alejandria sakay malalake siya a magupos sakay makpal siya a tukoy tu Banal a Kasulatan.

Gimet 19:1

Mentaras katoy palla ti Apolos ti Corinto ay linakad be ni Pablo u mabuke-buked a lugar tu prubinsiya hanggan a nakademát siya ti Efeso. Netan na hod u sangan a mánnampalataya.

Roma 15:16

a magin utusanák ni Jesu-Cristo para tu bakán hide a Judio. Magserbiyák tu bakán hide a Judio a konna tu essa a saserdote sakay impangaral nide u Maganda a Baheta nu Diyos. Gimitán ko iye tánni magin alay hide a katanggap-tanggap tu Diyos, a nelaan nikuna tu pamamag-itan nu Banal a Ispirito.

1 Corinto 12:28

Sakay nángdatton u Diyos tu mánnampalataya hide ti kaluub. U dipalongo ay u apostol hide; u kaduwwa ay u propeta hide, sakay u katallo ay u tagapagtoldu hide tu upos nu Diyos. Nángdátton be siya ti tolay a makagimet ti makataka-taka, makapagpapiyya tu te saket, te tagatulong, te taga pangasiwa, sakay tehhod be a makapagupos ti iba-iba a upos.

1 Corinto 16:12

Tungkul be tu kapatkákka tam a ti Apolos mahigpit ko siya a pinákpágguhunan a bumisita hina, kaguman nu kákkapatkákka hide, pero awan kan palla siya hina makaangay nadid. Pero ni tehhod kan a pagkakataun ay bumisita siya hina.

1 Corinto 3:10

Ayun tu kabaitan nu Diyos nikán, hikán u nagdátton tu pundasyon, konna tu essa a malalake a mágpataknág. Sakay u agum be u mángtapos tu bilay. Pero magin maingat u balang essa a mángtapos tu bilay,

1 Corinto 3:22

hikán a ti Pablo, Apolos, sakay ti Pedro ay inyatád na para nikam. I munduway, u biyag, u kákkatay, sakay u panahun nadid sakay tu dumemát a panahun, iye a atanan ay neatád nikam para tu kapiyaan moy.

1 Corinto 3:7

Bakán a u nagmula oni u nagdilig u mahalaga, nan u Diyos a nangpatubu sakay nágpalagu.

1 Corinto 9:17

Ni gimitán ko iye tu sadile ko a kagustuwan ay tehhodák a mauhay a upa; pero u tatahoden gimitán kula u tungkulin ko dipo iye u nepagkatiwala nikán nu Diyos.

2 Corinto 11:23

Tukoy ko a kumánnák dán a essa a magaheng, pero ni kagiyán de a tagapagserbi hide ni Cristo, mas malalakeyák a tagapagserbi ni Cristo nan hide. Susubra u págpagud ko nan hide; sangan a besesák a nepireso, nabálbág sakay pirme a te áng-áng ti kamatayan.

2 Corinto 3:3

Maliwanag a u biyag moy ay kumán a essa a sulat a gábwat ni Cristo a nesulat tu pamama-itan me. Nesulat iye, bakán a tu tinta nan tu Ispirito nu Diyos a biyag. Sakay bakán bi iye a nesulat tu natáppeng a bito nan tu puso nu tolay hide.

2 Corinto 3:6

Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.

2 Corinto 4:1

Nadid, dipo tu kagbi nu Diyos, ay pinili na kame para ti iye a tarabaho, kaya awan kame panghinaan ti isip.

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

2 Corinto 4:7

Kumán kame la a pággasákkan a banga dipo awan kame ti kakayanan, pero intiwala na nikame i kayamanan iye a Ispirituwal dipo gustu na a ipatengge au awan masukat a kapangyariyan ay gábwat nikuna bakán me a kao.

2 Corinto 5:18

Iye a atanan ay gábwat tu Diyos, a nángsole nikitam nikuna tu pamamag-itan ni Cristo. Sakay inyatád na nikame u tungkulin a mangpasole tu tolay hide nikuna.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

2 Corinto 6:4

Nan impeta me tu atanan a gimitán me a tagapagserbi kame nu Diyos: tu pamamag-itan nu págtiis tu atanan kalase nu kahirapan, kalungkutan, sakay kagipitan.

Efeso 3:7

Dipo tu kagbi nu Diyos, ay nagin tagapagserbiyák na para tu Maganda a Baheta tu pamamag-itan nu kapangyariyan na.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

Colosas 1:25

Nagin tagapagserbiyák na para tu mánnampalataya hide nikuna a piniliyák nu Diyos para ganap a mepahayag nikam u upos na.

1 Timoteo 1:12

Magpasalamaták ni Jesu-Cristo a Panginoon tam, a nangatád nikán ti begsák kaya magimet ko iye. Dipo imbilangák na a karapat-dapat a tagapagserbi na.

1 Pedro 4:10

Pinagkaluuben nu Diyos u balang essa nikitam ti sadile na a kakayahan, kanya gamitán tam itod a kaluub para tu kapiyyaan nu atanan bilang mahusay a katiwala tu iba-iba a kaluub nu Diyos.