1 Corinto 3:3 - U Maganda A Baheta Ni Jesu-Cristo

³ Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

1 Corinto 3:3 Σταυροειδείς Αναφορές

Roma 13:13

Sakay dipo katoy kitam tu demlag, mabiyag kitam ti marangal. Diyan tamon gimitán u páglasing, u magulo hide a págsaya, dyan kitam mangibábbey oni mangilállake, dyan kitam mákdima, sakay diyan kitam be maiyamut tu agum.

1 Corinto 1:10

Nadid kákkapatkákka hide, mákkekakagbiyák nikam tu ngahan nu Panginoon tam a ti Jesu-Cristo: mabiyag kam ti maayus a awan mamágdadema magkaessa kam ti isip sakay layunin tánni awan nikam ti pamágkampe-kampe.

1 Corinto 1:11

Dipo inbaheta nikán nu kabilay hide ni Cloe a mamágdadema kam hina.

1 Corinto 11:18

Dipo nabaheta ko a tu pamagipun-ipun moy ay awan kam ti pamágkaessa. Sakay maniwalaák a tatahoden iye.

1 Corinto 3:4

Ni kagiyán nu essa, “Sakupák ni Pablo,” sakay kagiyán be nu agum, “Sakupák ni Apolos,” awan beman ina u patunay a mabiyag kam palla ayun tu kagustuwan nu bággi?

2 Corinto 12:20

Dipo mággaisipánnák a bakay tu káangay ko hina ay te ketanák a awan ko gusto nikam sakay te ketan kam be a awan moy gusto nikán. Bakay u medemáttan ko ay dimaan, seniyan, iyamután, makasadile, págsidaan, metmetan, pághambug, sakay kaguluwan.

Galacia 5:15

Pero ni tulos-tulos kam a mamágdadema a kumán a aso a magkagitan ay mangilag kam dipo makay masida moy u biyag nu balang essa.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.

Santiagu 3:16

Dipo ni pagka masásseniyán sakay pagka makasadile u maghare ay pirme a te kaguluwan sakay atanan a kalase ni mágkadukás a gimet.

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.