1 Corinto 3:12 - U Maganda A Baheta Ni Jesu-Cristo

^12-13 Balang essa a mánnampalataya ay kailangan de a magin maingat dipo dumemát u aldew nu pághatul a atanan nu gimet de ay mapurbaan tu apoy. Ti aldiwan itod ay masubukan u ginimet nu balang essa ni te pinagserbiyan oni awan: U tolay a naggimet ti tama, kumán a intulos na u pággimet ti bilay a gimet ti ginto, pilak, sakay mágkahalaga a bito, dipo awan iye hide matutod. Pero u tolay a maggimet ti madukás ay kumán a intulos na u págtolnák ti bilay a gimet ti kayo, lamon, oni yaut a matutod.

1 Corinto 3:12 Σταυροειδείς Αναφορές

Gimet 20:30

Dumemát be u panahun a tehhod a magtoldu ti kakabuliyan a gábwat labe tu gurupo moy tánni maakit de u mánnampalataya hide a humiwalay sakay mákkuyog nide.

Roma 16:17

Kákkapatkákka ko hide, magingat kam tu tolay hide a maggimet ti pamágguru-gurupo nikam sakay manggággulo tu pánnampalataya moy. Magtoldu hide kontara tu adal hide a natanggap moy nikame. Kanya iwasan moy hide.

1 Corinto 3:11

dipo awan dán ti agum a pundasyon a maare a idátton maliban tu nedátton dán, awan ti agum nan ti Jesu-Cristo.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

Colosas 2:8

Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito.

1 Timoteo 6:3

Ni deya man u magtoldu ti iba a adal, sakay awan nakaayun tu Upos nu Panginoon tam a ti Jesu-Cristo sakay tu adal hide a magresulta tu makidiyos a kakkabiyag,

2 Timoteo 2:20

Tu pangmayaman a bilay, ay tehhod a sari-sare a kagamitan. Tehhod a ginto, silber; tehhod be a gimet ti kayo sakay banga. U kagamitan a ginto sakay silber ay gamitán la tu mágkahalaga hide a ukasyon, pero u gimet ti kayo sakay banga ay pang-aldew-aldew a gamit.

2 Timoteo 3:13

Pero u tolay hide a mágkadukás sakay mapagkunware ay lalo pa a magpakadukás. Tulos-tulos hide a maglinlang. Pero awan de tukoy a pate hide ay nalinlang be.

2 Timoteo 3:7

Iye hide a bábbey ay gugusto de a matukuyan u ánya man a bigu a toldu pero maski nikan ay awan hide kumabeto tu tatahoden.

2 Timoteo 4:3

Dipo dumemát u panahun a awan dán sumaneg u tolay hide tu tama a adal; nan sunudán dilaay ay u kagustuwan de. Mággaehyukán hide ti mangtoldu nide tu gugusto dila a masaneg.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

1 Pedro 1:7

U ginto a masida ay subukán tu apoy para matukuyan ni talaga a ginto. Konna labi hod, tu pánnampalataya moy, a mas mahalaga kasera tu ginto ay subukán be ti pagsubuk tán matukuyan ni talaga a matapat kam. Tánni mapuriyan, dakilaán, sakay parangalan kam tu Aldew a mehayag ti Jesu-Cristo.

Pahayag 2:14

Pero tehhodák a sangan a pangsalaan nikam: tehhod nikam a mangunonod tu toldu ni Balaam. Iye u nangtoldu ni Balak para igiyya na u Israelita hide a magkasala. Kaya kinuman hide tu makan a nealay tu diyos-diyosan hide sakay naggimet ti mágkahalay a gimet.

Pahayag 21:18

U ginamit tu kudal a pader ay bito a haspe, pero u banuwan ay puro a ginto, tunay a lekmang a konna tu bubug.

Pahayag 3:18

Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.