1 Corinto 2:8 - U Maganda A Baheta Ni Jesu-Cristo

⁸ Essa man tu tagapamahala hide ti panahunáy nadid ay awan ti nakaintendi ti iye a lihim. Dipo ni naintendiyan di iye, ay awan di nakwa inpako tu kudus u Panginoon tam a makapangyariyan.

1 Corinto 2:8 Σταυροειδείς Αναφορές

Mateo 11:25

Sakay ti itona be a panahun ay nanalangin ti Jesus “Amáng, u Panginoon ti langet sakay ti munduway, magpasalamaták niko dipo awan mo impakapospos u kalooban mo tu mágkalalake hide pero impakapospos mo tu mapagpakumbaba hide.

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Lukas 23:34

Kinagi ni Jesus, “Ama, patawadán mo hide dipo awan de tukoy u gággagamitán de.” Sakay namágbunutan u sundalo hide tánni matukuyan de ni hadya tu damit ni Jesus u meangay tu bawat essa nide.

Juan 16:3

Gimitán de i iye hide a bagay dipo awanák de kilala sakay awan di be kilala u Ama.

Juan 7:48

Tehhod kam dám beman a netan a pinuno nu Pariseo hide a maniwala nikuna?

Juan 8:19

Nagtanung u Pariseo hide, “Hádya u Ama mo?” Timmábbeg ti Jesus, “Awanák moy matenggi maski u Ama ko. Ni matenggiyák moy ay matenggi moy be u Ama ko.”

Gimet 13:27

Awan tinengge nu taga-Jerusalem hide sakay u puno de hide a ti Cristo u Tagapagligtas. Maski u Kasulatan a hula nu prupeta hide a bábbasaán de kada Aldew nu Káimang nu Judio hide ay awan de naintendiyan. Hide pa u nángpatupad ti hulaan itod nikuna hatulan de ti kamatayan ti Jesus.

Gimet 7:2

Timmábbeg ti Esteban, “Kákkapatkákka ko hide sakay dáddakal hide, sanigán moy i kagiyán kuwáy. U dakila sakay u makapangyariyan a Diyos ay pimmeta tu nunu tam a ti Abraham nikuna katoy palla siya ti Mesopotamia bago a nágyan ti Haran.

1 Corinto 1:20

Nadid, anya u lamang nu mágkalalake hide a tolay, u maisto hide nu Kautusan, u mágkalalake a magdibate ti panahunáy nadid? Awan! Impeta nu Diyos a u karunungan ti munduwáy ay awan ti pinagseserbiyan.

1 Corinto 2:6

Pero tu mágkatatag dán hide tu ispiritwal a kákkabiyag, u itáttoldu me ay u karunungan nu Diyos, bakán a karunungan ni munduwan iye oni u tagapamahala hide ti panahunan iye a u kapangyariyan de ay lumipas.

2 Corinto 3:14

U tatahoden, awan naintendiyan nu Israelita hide u kahulugan ni iye tu itod dipo mágkaigát u ulu de a kumán a te tumáttakáp tu isip de. Sakay hanggan nadid ay awan di palla naintediyan iye kada basaán de u date a kasunduwan dipo te tumáttakáp palla tu isip de. Sakay mawan la i takáppan ina, ni nákpágkaessa u essa a tolay ni Cristo.

Efeso 1:17

Sakay u lagi ko a dasal tu Diyos nu Panginoon tam a Jesu-Cristo, u dakila a Ama, ay atádden na kam ti karunungan sakay pángngintendi gabwat tu Banal a Ispirito tánni makilala moy siya ti husto.

Efeso 4:18

Sakay awan hide ti pang-intendi. Dipo awan hide ti tukoy sakay mágkaigát u ulo de, awan hide ti bahagi tu biyag a impagkaluub nu Diyos.

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.

Santiagu 2:1

Kákkapatkákka ko hide, dipo mánnampalataya kitamon ni Jesu-Cristo a Panginoon tam a dakila ay dapat awan kitam ti paboran a tolay.