1 Corinto 2:5 - U Maganda A Baheta Ni Jesu-Cristo

⁵ Tánni awan meayun u pánniwala moy tu karunungan nu tolay nan tu kapangyariyan nu Diyos.

1 Corinto 2:5 Σταυροειδείς Αναφορές

Gimet 16:14

U essa nide ay ti Lydia a taga-Tiatira, essa a negosyante a máglako ti mágkamahal a tela a kulay ubi. Te ánteng siya tu Panginoon. Mentaras a mágsaneg siya ni Pablo ay binukasan nu Panginoon u isip na sakay naniwala siya tu kinákkagi ni Pablo.

1 Corinto 1:17

Dipo awanák dinulaw ni Cristo para magbawtismo nan para mangaral tu Maganda a Baheta. Impangaral ko ngane iye, pero bakán a tu pamamag-itan nu maganda a pággupos a sigun tu karunungan nu mundu. Dipo ni konna hod u gimitán ko ay makay itod u makaakit tu tolay hide, sakay mebali awan u kákkatay ni Cristo tu kudus.

1 Corinto 3:6

Konna he u halimbawa nu tarabahu me, kumán a hikán u nagmula, ti Apolos u nagdilig, pero u Diyos u nagpatubu sakay nagpalagu.

2 Corinto 12:9

kinagi na nikán, “U tulung ko ay sapat tu atanan a kailangan mo; mas lalu a mehayag u kapangyariyan ko ni mahina ka.” Kaya mas masayaák a ipagmadakál u kahinaan ko tánni pabegsákkánnák nu kapangyariyan ni Cristo.

2 Corinto 4:7

Kumán kame la a pággasákkan a banga dipo awan kame ti kakayanan, pero intiwala na nikame i kayamanan iye a Ispirituwal dipo gustu na a ipatengge au awan masukat a kapangyariyan ay gábwat nikuna bakán me a kao.

2 Corinto 6:7

Tapat me a impangaral u Maganda a Baheta tungkul tu kapangyariyan nu Diyos. U matuwid a kákkabiyag u armas me a panglaban sakay pangsangga.