1 Corinto 2:3 - U Maganda A Baheta Ni Jesu-Cristo

³ Sakay nikuna hedák hina ay tukoy ko a kulang u kakayanan ko para magtoldu kanya magkábba-kábbaák sakay magpapágpággák ti ánteng a umatubang nikam.

1 Corinto 2:3 Σταυροειδείς Αναφορές

Gimet 17:1

Nadid himmoyot di Pablo sakay ti Silas ti Amfipolis sakay ti Apolonia, sakay nagtulos hide ti Tesalonica. Ti itod a lugar ay te sinagoga u Judio hide.

Gimet 18:1

Káttapos ay limmakad ti Pablo ti Atenas sakay immangay ti Corinto.

Gimet 18:12

Pero nikuna maging gobernador ti Galion ti Acaya ay namágkaessa u Judio hide a dakáppán ti Pablo sakay inyangay tu pághatulan.

Gimet 18:6

Nikuna kinontara de siya sakay ininsulto ay impagpag na u alikabuk tu badu na, bilang babala nide. Kinagi na, “Kasalanan moy dán ina ni mepahamak kam! Awanák dán ti pananagutan nikam! Sapul nadid ay hedák dán mangaral tu Hentil hide.”

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Corinto 10:10

Dipo kagi nu agum ay “Tu sulat la siya a matapang; pero tu harapan ay awan ti magimet.”

2 Corinto 13:4

Dipo maski ni mahina siya nikuna ipako siya tu kudus, pero nabiyag siya tu kapangyariyan nu Diyos. Mahinaák be konna ni Cristo tu itod, pero dipo tu pákpagkaessa ko ni Cristo ay mabiyagák nadid tu kapangyariyan nu Diyos tánni mangaral nikam.

2 Corinto 13:9

Dipo masayaák ni mahinaák sakay hikam ay bumegsák. Kaya, u idáddasal ko ay tulos-tulos kam a lumagu.

2 Corinto 4:1

Nadid, dipo tu kagbi nu Diyos, ay pinili na kame para ti iye a tarabaho, kaya awan kame panghinaan ti isip.

2 Corinto 4:16

Kaya awan kame manghina ti isip. Maski ni humina dán u bággi me ti lutaáy, ay tulos-tulos pade a bumegsák u ispirito me aldew-aldew.

2 Corinto 6:4

Nan impeta me tu atanan a gimitán me a tagapagserbi kame nu Diyos: tu pamamag-itan nu págtiis tu atanan kalase nu kahirapan, kalungkutan, sakay kagipitan.

2 Corinto 7:15

Sakay nadid maslalo kampa a nepamahal nikuna dipo awan na be malimu-limunan u kássunud moy sakay u maganda a págtanggap sakay pággalang moy nikuna.

2 Corinto 7:5

Nikuna dimmemát kame ti Macedonia ay awan kame padi ti imang, Dipo maski ni hádya ay puro hirap u nadanas me. Tu palebut me ay atoy hod u kumontara hide nikame sakay tu pusu me ay tehhod a ánteng.

Efeso 6:5

Hikam a alipin hide, sunudán moy u amo moy hide a tehhod a pággalang, ánteng sakay katapatan a kumán be ati Cristo u pinagserbiyan moy.