1 Corinto 2:12 - U Maganda A Baheta Ni Jesu-Cristo

¹² Pero bakán a u ispirito nu mundu u tinanggap tam nan u Ispirito nu Diyos, tánni maintendiyan tam u kaluub hide a inyatád na nikitam.

1 Corinto 2:12 Σταυροειδείς Αναφορές

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 8:32

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

1 Corinto 1:27

Pero pinile nu Diyos u nebilang hide a awan ti tukoy a tolay ti munduwáy para ipasanike u mágkalalake. Pinile be nu Diyos u mágkahina hide para ipatagama u mágkabegsák.

1 Corinto 2:6

Pero tu mágkatatag dán hide tu ispiritwal a kákkabiyag, u itáttoldu me ay u karunungan nu Diyos, bakán a karunungan ni munduwan iye oni u tagapamahala hide ti panahunan iye a u kapangyariyan de ay lumipas.

1 Corinto 3:22

hikán a ti Pablo, Apolos, sakay ti Pedro ay inyatád na para nikam. I munduway, u biyag, u kákkatay, sakay u panahun nadid sakay tu dumemát a panahun, iye a atanan ay neatád nikam para tu kapiyaan moy.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Santiagu 4:5

Dyan moy isipán a awan ti seserbi u kinagi tu Kasulatan a, “Umád nu Banal a Ispirito a pinágyan nikitam nu Diyos a te kaagew tu págmahal tam.”

1 Juan 2:20

Pero inyatád dán nikam u Banal a Ispirito kaya tukoy moy dán u tatahoden.

1 Juan 2:27

Pero maski ni magkakonna hod ay katoy dán nikam u Banal a Ispirito a inyatád ni Cristo. Mentaras a katoy nikam u Banal a Ispirito ay awan kamon kailangan a tolduwan ni deya man. U Banal a Ispirito u mángtoldu nikam tu atanan, sakay u atanan a itoldu na ay tatahoden, bakán a kakabuliyan. Kanya manatili kam ni Cristo dipo ina u intoldu nikam nu Ispirito.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 22:6

Sakay kinagi nikán nu anghel, “Maasaan sakay tatahoden iye hide a upos. U Panginoon a Diyos, a nángkaluub tu Ispirito na tu prupeta hide, u nangutus tu anghel na a ipakapospos tu tagapagserbi na hide u bagay hide a adene dán a mangyare.”