1 Corinto 16:15 - U Maganda A Baheta Ni Jesu-Cristo

¹⁵ Nadid, kákkapatkákka ko hide, tukoy moy a u pamilya ni Estefanas u kadipalonguwan a Kristiyano ti Acaya; sakay inlaan de u sadile de tu págserbi tu pinile hide nu Diyos. Ipákpágguhon ko nikam,

1 Corinto 16:15 Σταυροειδείς Αναφορές

Gimet 18:12

Pero nikuna maging gobernador ti Galion ti Acaya ay namágkaessa u Judio hide a dakáppán ti Pablo sakay inyangay tu pághatulan.

Roma 12:13

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

Roma 15:25

Pero nadid, kailangan ko pa umangay ti Jerusalem tánni iyangay ko u tulung tu kákkapatkákka hod.

Roma 15:31

Ipagdasalák moy a maligtasák tu awan hide mánampalataya ti Judea, sakay masaya a tanggapán nu kákkapatkákka ti Jerusalem u tawed ko a tulung para nide.

Roma 16:2

Tanggapán moy siya bilang kapatkákka tu Panginoon a konna tu dapat tam a gimitán bilang mátkaka tu Diyos. Tulungan moy siya tu ányaman a kailangan na dipo makpal siya a natulungan sakay essaák dán hod.

Roma 16:5

Ikumustaák moy be tu mánnampalataya hide a nagipun-ipun tu bilay de. Ikumustaák moy be tu mahal ko a amigu a ti Epeneto. Siya u dipalongo a nanampalataya ni Jesu-Cristo tu prubinsiya a Asia.

1 Corinto 1:16

(O bál, binawtismuwan ko bál itod u pamilya ni Estefanas. Maliban nide ay awanák dán ti matandaan a binawtismuwan ko.)

1 Corinto 16:1

Nadid ay tungkul be tu tulung a naipun moy para tu kákkapatkákka hide ti Judea, gimitán moy u konna tu kinagi ko tu mánnampalataya hide ti Galacia.

1 Corinto 16:17

Masayaák a tahod tu káddemát di Estefanas, Fortunato, sakay ti Acaico. Maammawák nikam a atanan pero nabawasan ti badit dipo katoy he hide dakál u tulung de nikán.

2 Corinto 8:4

mákkekakagbi hide nikame a atádden hide ti pagkakataun a makatulung tu kákkapatkákka ti Judea.

2 Corinto 9:1

Nadid, awan ku dán kailangan a magsulat pa nikam tungkul tu káttulung tu kákkapatkákka hide ti Jerusalem.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

Filemon 1:7

Dipo tu págmahal mo, kapatkákka a Filemon, ay nasayaák sakay napabegsákkák. Dipo be niko ay napabegsák u mánnampalataya hide.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

1 Pedro 4:10

Pinagkaluuben nu Diyos u balang essa nikitam ti sadile na a kakayahan, kanya gamitán tam itod a kaluub para tu kapiyyaan nu atanan bilang mahusay a katiwala tu iba-iba a kaluub nu Diyos.

Pahayag 14:4

Iye u lállake hide a awan nagkahod ti ánya man a kaugnayan tu bábbey; awan hide nákkabanga. Immunonod hide tu Tupa maskin hádya u angayan na. Iye u tolay hide a natubus ti munduway bilang purumero a alay tu Diyos sakay tu Tupa.