1 Corinto 15:3 - U Maganda A Baheta Ni Jesu-Cristo

³ Dipo impangaral ko nikam i tunayáy a halaga a adal a tinanggap ko labe. Siya iye: natay ti Cristo dipo tu kasalanan tam hide, tánni matupad u nakasulat tu Kasulatan.

1 Corinto 15:3 Σταυροειδείς Αναφορές

Mateo 26:24

Matay u Anak nu Tolay ayun tu Kasulatan pero kakagbi a tahod u mángtokyon nikuna! Mapiyya pa a awan inyenak i tolay an itod.”

Mateo 26:28

“dipo iye u digi ko a mangpatibay tu uhunan nu Diyos, u digi ko a mebuhos para mapatawad u kasalanan nu tolay hide.

Lukas 24:25

Kinagi nide ni Jesus, “Awan kam beman makaintendi? Bakin awan moy paniwalaan u atanan a kinagi nu prupeta hide?

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Gimet 17:2

Ugale dán ni Pablo a umangay tu sinagoga. Tu luub nu tállo a simba kada Aldew nu Káimang ay mákpagpaliwanagan siya tungkul tu Kasulatan,

Gimet 3:18

Dipo tu ginimet moy ay natupad dán u inpahayag nu Diyos tu pamamag-itan nu prupeta hide tu itod a kailangan a maghirap ti Cristo.

Gimet 8:32

Iye u parte nu libro a bábbasaán na: “Kumán siya a essa a tupa a netakda a bunuwán Oni konna tu kordero a awan lumaban maski ni gapasan sakay awan ti kákkagi.

Roma 3:25

Ti Jesu-Cristo u pinaangay he nu Diyos ti munduwáy tánni iyalay na u biyag na, para maibut u iyamut nu Diyos nikitam, sakay tu pamamag-itan nu dige na ay napatawad dán u kasalanan tam ni sumampalataya kitam nikuna. Ginimet iye nu Diyos tánni ipeta na a siya ay matuwid, dipo tu purumero ay nagpasensiya siya sakay pinalipas na la u kasalanan a nagimet nu tolay hide a nakwa pinarusaan na dán hide.

Roma 4:25

Impabuno de ti Jesus, dipo tu kasalanan tam hide, sakay biniyag a huway tánni mebilang kitam a awan ti kasalanan.

1 Corinto 11:2

Ipagmadakál takam, dipo pirmiyák moy a maala-ala tu atanan a bagay sakay sássunudán moy u intáttoldu ko nikam.

1 Corinto 11:23

Iye u adal a natanggap ko tu Panginoon sakay ibahagi ko labe iye nikam: tu gibi a nángtokyon de tu Panginoon Jesus ay nangalap siya ti tinapay.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Galacia 1:12

Dipo awan ko iye tinanggap tu tolay sakay awan bi iye intoldu nikán nu maskin deya a tolay. Nan ti Jesu-Cristo a mismo u nánghayag he nikan.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Galacia 3:13

Tinubus kitamon ni Cristo tu sumpa a gábwat tu Kautusan nikuna naghirap siya a konna tu essa a sinumpa dipo nikitam. Konna tu nakasulat tu Kasulatan a, “Sinumpa u bawat nebátten tu kayo.”

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Hebreo 5:1

U balang pinakapuno a saserdote a pinile tu katolayan ay pinile a magserbi tu Diyos para nide. Siya u magalay tu kaluub hide sakay alay para mapatawad u kasalanan de hide.

Hebreo 5:3

Dipo magkasala labe siya, ay kailangan a magalay siya para tu sadile na be hide a kasalanan bakán la a para tu tolay hide.

1 Pedro 1:11

Kinagi dán nide nu Banal a Ispirito a ti Cristo ay maghirap pa bagu na a matanggap u karangalan. Inadal de ti husto ni nikan sakay ni kodya iye a mangyare.

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

1 Juan 2:2

Inyalay ni Cristo u bággi na para mapatawad u kasalanan tam hide, sakay bakán la a u kasalanan tam hide nan pate u kasalanan nu atanan a tolay.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.