1 Corinto 14:39 - U Maganda A Baheta Ni Jesu-Cristo

³⁹ Kaya kákkapatkákka ko hide, hangadán moy a makapagpahayag tu adal a gábwat tu Diyos, pero dyan moy ibawal u magupos ti iba-iba a upos.

1 Corinto 14:39 Σταυροειδείς Αναφορές

1 Corinto 12:31

Pero sikapán moy a magkahod ti kaluub a makatulung tu kapiyaan nu kákkapatkákka tam ti pánnampalataya. Sakay nadid ay itoldu ko nikam u pinakamaganda ti atanan.

1 Corinto 13:2

Sakay ni tehhodák a kakayanan a mángpahayag tu upos nu Diyos, sakay umintendi tu atanan a lihim, maski ni hed dán nikán u atanan a karunungan sakay mepaagton ko man u buked hide dipo tu grabi't kadakál nu pánnampalataya ko, ni awanák labe ti págmahal ay awanák ti kabuluhan.

1 Corinto 14:1

Kaya hangadán moy a pirme a mepeta u pagmahal! Hangadán moy a magkahod kam tu kaluub hide a gábwat tu Banal a Ispirito, lalu dán u mángpahayag tu upos nu Diyos.

1 Corinto 14:3

Pero u mágpahayag tu upos nu Diyos ay tu tolay u pángkagiyan na tán lumagu u pánnampalataya de sakay pabegsákkán u isip de tán sumaya hide.

1 Corinto 14:38

U awan tumengge he ay dyan moy be tenggiyán.

1 Corinto 14:5

Nadid, gusto ko nakwan a makapagupos kam a atanan tu iba-iba a upos, pero mas gusto ko a makapagpahayag kam tu upos nu Diyos. Dipo u tolay a mágpahayag tu upos nu Diyos ay mas mahalaga nan makapagupos ti iba-iba a upos, maliban dálla ni tehhod a mágpaliwanag tu kahulugan nu kákkagiyán na tánni bumegsak u mánnampalataya hide.

1 Tesalonica 5:20

Dyan moy baliawanan u adal a gábwat tu Diyos.