1 Corinto 13:9 - U Maganda A Baheta Ni Jesu-Cristo

⁹ Awan palla husto u karunungan tam sakay kakayanan tu págpahayag tu upos nu Diyos,

1 Corinto 13:9 Σταυροειδείς Αναφορές

Mateo 11:27

Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Roma 11:34

Konna ngane tu kinagi na tu Kasulatan: “Ti deya wád u makaintendi tu isip nu Panginoon? Ti deya wád u makapangpayo nikuna?”

1 Corinto 13:10

pero káddemát nu aldew a magin ganap u atanan, iye hide a kakayanan a te pagkukulang ay mawan a atanan.

1 Corinto 13:12

Nadid a kasalukuyan, awan maliwanag u pákkaintendi tam tungkul tu Diyos a kumán a mahabuháb a hupa u ketan tam tu aspeho, pero dumemát u aldew a ketan tam siya ti harapan. Badit palla u tukoy ko nadid; pero dumemát u aldew a matukuyan ko iye a atanan, konna tu pákkatukoy nu Diyos nikán.

1 Corinto 2:9

Pero konna he u nakasulat tu Kasulatan, “Awan palla ti tolay a naketa oni nakasaneg, sakay nakatukoy, tu bagay hide a inhanda nu Diyos para tu magmahal hide nikuna.”

1 Corinto 8:2

U tolay a magkagi a makpal dán siya a tukoy, ay kulang palla a talaga u tukoy na.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.