1 Corinto 13:7 - U Maganda A Baheta Ni Jesu-Cristo

⁷ U tolay a te págmahal ay mapagpatawad, te tiwala tu agum, pirme a tehhod a pag-asa, sakay mapagtiis tu atanan a hirap.

1 Corinto 13:7 Σταυροειδείς Αναφορές

Mateo 10:22

Kaiyamutan di kam dipo tu pániwala moy nikán. Pero u matapat nikán hanggan matay ay siya la u maligtas.

Markos 9:23

Tinábbeg siya ni Jesus, “Bakin a na kagi mo a tehhodák a magimet? Mangyare u atanan para tu tolay a maniwala tu Diyos.”

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

Roma 8:24

Ligtas kitamon sakay maguhay kitam dálla a makompleto i kaligtasanan iye. Umasa kitam dipo awan palla u asaan tam. Deya beman u umasa tu katoy dán hina a asaan na?

1 Corinto 13:4

U tolay a te págmahal ay matiyaga sakay mabait, awan masássállapán, awan hambug, oni mapagmadakál.

1 Corinto 9:12

Ni u agum hide a mángngaral ay tehhod a karapatan, di mas lalu kame dán! Pero maski ni konna pa man hod ay awan me ginamit iye a karapatan. Nan tiniis me u atanan tanni awan kame magin hadlang tu Maganda a Baheta tungkul ni Cristo.

Galacia 6:2

Magtulungan kam tu ánya man a problema moy hide, tu konna he a paraan ay matupad moy u utus ni Cristo.

2 Tesalonica 1:4

Kanya ipagmadakál mikam tu agum hide a mánnampalataya tu Diyos dipo tu katatagen moy sakay tu pánnampalataya moy. Mepagmadakál me be u págtiis moy tu atanan a hirap sakay tu tulos-tulos moy a kassampalataya tu Diyos maski ni makpal u mangpahirap nikam.

2 Timoteo 2:24

Dipo u tagapagserbi nu Diyos ay awan dapat mákpágdadima; nan mabait a mákpággagum tu atanan, sakay malalake a magtoldu. Dapat be siya a mapagpugad,

2 Timoteo 3:11

Tukoy-tukoy mo u atanan a pággusig sakay hirap, a dinanas ko ti Antioquia, Iconio sakay ti Listra. Tiniis ko u hirap hide a iye pero inligtasák nu Panginoon tu atanan a iye.

2 Timoteo 4:5

Kaya hiko, lagi ka a magpugád ti kada-odas, pagtiisan mo u hirap hide a dumemát niko. Gimitán mo u tungkulin nu essa a mángngaral tu Maganda a Baheta. Tupadán mo u tungkulin mo bilang tagapagserbi nu Diyos.

Hebreo 13:13

Kanya umadene kitam nikuna tu luwas nu banuwan sakay magdanas be ti kadustaan a tiniis na.

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

1 Pedro 4:8

U mahalaga tu atanan ay magmahalan kam ti tapat, dipo u págmahal ay makapagpatawad maski sakodya a kakpal u kasalanan.