1 Corinto 13:5 - U Maganda A Baheta Ni Jesu-Cristo

⁵ Awan madukás u ugale na, awan makasadile, awan maáiyamután, sakay tukoy na a magpatawad tu kasalanan nikuna nu agum.

1 Corinto 13:5 Σταυροειδείς Αναφορές

Mateo 5:22

Pero nadid ay ikagi ko nikam a ni deya u mágngál tu kákkapatkákka na ay parusaan nu Diyos. Sakay ni ti deya u manginsulto ay hatulan nu Sanedrin. Sakay ni ti deya man u magkagi tu kákkapatkákka na a ‘Awan ka ti serbi a tolay’ ay parusaan nu Diyos ti impiyerno.

Mateo 9:4

Pero natukuyan ni Jesus u inisip de kanya tinanung na hide “Bakin a magisip kam ti madukás tungkul nikán?

Markos 3:5

Maiyamut sakay malungkut ti Jesus a immileng tu tolay hide a katoy tu palebut na, dipo tu kaigáttan nu ulo de. Káttapos ay kinagi na tu te saket, “Iyolnat mo i kamát muwe.” Inyolnat be nu lállake u kamát na sakay nagpiyya iye.

Lukas 7:39

Nikuna ketan itod nu Pariseo a nangakit nikuna ay nakagi na tu sadile na, “Ni talaga a prupeta i tolayan iye ay dapat tukoy na ni ti deya mangkákkahapáy nikuna sakay ni ánya i pagkatolayay ni iye a bábbey. Essa siya a makasalanan!”

1 Corinto 10:24

Bakán la u kapiyyaan moy u áisipán moy nan dapat pate be u kapiyyaan nu agum.

1 Corinto 10:33

Magporsigiyák a mapasaya u atanan a tolay tu gággimitán ko; bakán la a u sadile ko a kapiyyaan u áisipán ko nan pate u kapiyyaan nu agum, tánni maligtas hide.

1 Corinto 11:18

Dipo nabaheta ko a tu pamagipun-ipun moy ay awan kam ti pamágkaessa. Sakay maniwalaák a tatahoden iye.

1 Corinto 12:25

Konna hod u ginimet nu Diyos tánni magkaessa a mamágtulung u bawat parte nu bággi, sakay mamágmalasakitan hide.

1 Corinto 7:36

Tungkul iye tu magkatipan a nagkasundu a awan palla pakasal, ni mabate nu lállake a masoh dán siya a mákduhog tu katipan na ay dapat dán hide a magpakasal. Itulos de u date de a plano. Pakasal dán hide, awan iye kasalanan.

2 Corinto 5:19

Gusto ni iye a kagiyán, a tu pamamag-itan ni Cristo, ay pinagsole nu Diyos u tolay hide nikuna, imbilang na hide a amigu na, sakay nilimon na dán u kasalanan de hide. Impagkatiwala na nikame u págbahagi ti iye a baheta.

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Filipos 2:21

Dipo u agum ay awan ti iba a áisipán ni awan u sadile di la a kapiyyaan bakán a u para ni Jesu-Cristo.

Filipos 4:8

Nadid kákkapatkákka, iye u kadimodyanan a kagiyán ko nikam: u lagi moy a isipán ay u bagay hide a karapat-dapat sakay kapure-pure: u bagay hide a tatahoden, marangal, matuwid, mágkaganda a gimet, sakay kagalang-galang.

2 Tesalonica 3:7

Tukoy moy labe a dapat moy a ahigán u ginimet me. Awan kame nagin tamad a magtarabaho nikuna a hod kami palla hina.

2 Timoteo 2:10

Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.

2 Timoteo 4:16

Awan nikán ti nákkuyog tu purumero de nikán a pángbista. Pinabayanák de a atanan a mágge-essa. Patawadán nakwa hide nu Diyos.

Santiagu 1:19

Pakatandaan moy iye kákkapatkákka ko hide, dapat kam a handa a mágsaneg, isipán tam pa ti maayus u kagiyán tam bagu a magupos sakay diyan agad a maiyamut.