1 Corinto 13:2 - U Maganda A Baheta Ni Jesu-Cristo

² Sakay ni tehhodák a kakayanan a mángpahayag tu upos nu Diyos, sakay umintendi tu atanan a lihim, maski ni hed dán nikán u atanan a karunungan sakay mepaagton ko man u buked hide dipo tu grabi't kadakál nu pánnampalataya ko, ni awanák labe ti págmahal ay awanák ti kabuluhan.

1 Corinto 13:2 Σταυροειδείς Αναφορές

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Mateo 17:20

Timmábbeg siya, “Dipo awan sapat u paniwala moy. Kagiyán ko nikam: ni magin kapareho la tu kadakál nu bukál nu mustasa u paniwala moy tu Diyos ay makagi moy tu buked a iye, ‘Umagton ka hod!’ sakay umagton iye. Awan ti bagay a awan moy magimet.

Mateo 21:19

Netan na u essa a kayo nu igos tu degdig nu dilan sakay inadeniyan na iye. Pero awan siya ti netan a bunga ni awan u duuduun na la. Kaya kinagi na tu kayo nu igos, “Awan ka dán magbunga magpakahanggan!” Sakay pagdaka a nalanás iye.

Mateo 21:21

Timmábbeg ti Jesus, “Pakatandaan moy iye: ni te pánnampalataya kam tu Diyos sakay awan kam magalinlangan ay magimet moy be u ginimet ko tu kayo nu igos a iye. Bakán la a iye u magimet moy! Ni kagiyan moy tu buked a iye, ‘Lumakad ka hina; lumukso ka tu diget,’ ay mangyari u kinagi moy.

Gimet 13:1

Nadid, u mannampalataya hide ti Antioquia ay tehhod a sangan a magpahayag tu Maganda a Baheta sakay tehhod be a sangan a magtoldu tu mánnampalataya hide. Kaguman he di Bernabe, ti Simon a nginahanan de a Negro, sakay ti Lucio a taga-Cirene, ti Manaen (a kaguman ni gubernador a Herodes nikuna anak palla hide a duwwa) sakay ti Saulo.

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Roma 15:14

Kákkapatkákka ko hide, maniwalaák a talaga a tunay kam ti kabaitan, te sapat a tukoy sakay marunung a magpaala-alaan tu balang essa.

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

1 Corinto 11:4

U lállake a magdasal oni magpahayag tu upos nu Diyos a tehhod a alibonbun ay awan ti galang ni Cristo a nakasakup nikuna.

1 Corinto 12:28

Sakay nángdatton u Diyos tu mánnampalataya hide ti kaluub. U dipalongo ay u apostol hide; u kaduwwa ay u propeta hide, sakay u katallo ay u tagapagtoldu hide tu upos nu Diyos. Nángdátton be siya ti tolay a makagimet ti makataka-taka, makapagpapiyya tu te saket, te tagatulong, te taga pangasiwa, sakay tehhod be a makapagupos ti iba-iba a upos.

1 Corinto 13:1

Nadid, ni makapagupusák man tu iba-iba a upos sakay tu upos nu anghel hide, ni awanák ti págmahal ay kumánnák la a bating-tingan oni pompiyang a makán tánnugán.

1 Corinto 13:3

Ipagatád ko man u atanan a ari-ariyan ko, sakay iyalay ko man u bággi ko para tutudán, ni awanák labe ti págmahal, ay awan labe iye ti kabuluhan nikán!

1 Corinto 13:8

Mawan u kakayanan a magpahayag tu upos nu Diyos, mawan u kakayanan a magupos ti iba-iba a upos sakay mawan u karunungan, pero u págmahal ay awan ti kahád.

1 Corinto 14:29

Pabayan moy a magupos u duwwa oni tatlo a tolay a tummanggap tu kaluub a makapagpahayag tu upos a gábwat tu Diyos. Sakay suriyán be nu agum u kákkagiyán de.

1 Corinto 14:39

Kaya kákkapatkákka ko hide, hangadán moy a makapagpahayag tu adal a gábwat tu Diyos, pero dyan moy ibawal u magupos ti iba-iba a upos.

1 Corinto 14:4

U magupos ti iba-iba a upos ay pabegsákkán na u sadile na, pero u mángpahayag tu upos nu Diyos ay pabegsákkan na u mánnampalataya hide.

1 Corinto 15:51

Mágsaneg kam ta te kagiyánnák a lihim nikam: bakán a atanan ay matay, pero mabagu kitam a atanan,

1 Corinto 16:22

Parusaan nakwa nu Panginoon u awan magmahal nikuna! Dumemát ka dán nakwan, Panginoon me!

1 Corinto 4:1

Nadid, dapat u pangileng moy nikame ay tagapagserbi ni Cristo sakay katiwala a mángpahayag tu upos nu Diyos a date a awan ti makatukoy.

1 Corinto 7:19

Awan ti halaga ni ture u essa a tolay oni awan ture u mahalaga ay u kássunud tu utus hide nu Diyos.

1 Corinto 8:4

Kaya tungkul tu makan a nealay tu diyos-diyosan hide, tukoy tam a awan tatahoden iye hide a diyos. Sakay tukoy tam be a eessa u Diyos.

2 Corinto 12:11

Kumánnák a essa a tolay a awan ti tukoy dipo tu pághambug ko, pero hikam u nángtoglad nikán a manggimet ti konna hina. Hikam nakwa u dapat a mangpure nikán, dipo maski awanák ti kabuluhan, awanák be medimodyan ti mágkalalakiyan ina hide a apostol kan.

Galacia 5:16

Sa iye u kagiyán ko nikam, “U Banal a Ispirito u magin patnubay moy tu biyag moy sakay dyan kam paalipin tu kagustuwan nu pilas.”

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Galacia 6:3

Ni ti deyaman u magakala tu sadile na a mas higit siya tu agum pero awan labe ay nagbuli-bule tu sadile na.

Efeso 3:4

Mentras a basaán moy iye, ay matukuyan moy a maintendiyan ko u sekreto tungkul ni Cristo.

Efeso 6:19

Ipagdasalák moy be a nakwa kada magtolduwák ay atáddinák nu Diyos ti tama hide a upos tánni mepahayag ko a tehhod a begsák isip u Maganda a Baheta a nesekreto tu itod.

Colosas 1:26

Iye a itoldu ko ay katupaden nu plano nu Diyos a nelihim tu nakalipas hide a makpal a taon sakay lahe, pero nehayag dán nadid tu pinile hide nu Diyos.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

1 Juan 4:8

U awan magmahal ay awan tumenggi tu Diyos, dipo u Diyos ay págmahal.