1 Corinto 12:12 - U Maganda A Baheta Ni Jesu-Cristo

¹² U bággi ay eessa pero makpal a parte; maski ni binuo nu iba-iba a parte, ay eessa pade iye a bággi konna bihod ti Cristo; makpal u mánnampalataya nikuna pero eessa la ti Cristo a nákpagkaessaan de.

1 Corinto 12:12 Σταυροειδείς Αναφορές

1 Corinto 10:17

Makpal kitam pero nagkaessa kitam a kumán a eessa la a bággi dipo eessa la u tinapay a pamághate-hatiyán tam, kaya maski ni makpal kitam ay eessa la a baggi, dipo kabahagi kitam nu eessa a tinapay.

1 Corinto 12:20

U tatahoden ay mákpal a parte, pero nabuo iye ti essa la a bággi.

1 Corinto 12:27

Nadid, hikam u bággi ni Cristo. Sakay u bawat essa ay parte nu bággi na.

1 Corinto 12:7

Inatádden nu Banal a Ispirito u balang essa nikitam ti sadile tam a kaluub, tánni magserbi kitam tu kaguman tam hide para tu kapiyaan de.

Galacia 3:16

U Diyos ay nagpananto ni Abraham, sakay tu apu na. Awan nesulat tu Kasulatan a, “Tu apo mo hide,” a u gusto na a kagiyan ay makpal a apo. Nan u nakasulat ay, “Essa tu apo mo hide,” a u gusto na a kagiyan ay eessa la a apo, awan ti agum nan ti Cristo.

Efeso 1:23

Hikitam a mánnampalataya hide u kumán a bággi ni Cristo, dipo atanan a hed ni Cristo ay hod nikitam. Siya u mangatád ti biyag tu atanan a bagay siya ay hod tu atanan a lugar.

Efeso 4:12

Ginimet na iye tánni ihanda tu págserbi u pinile na hide tánni lumagu sakay tumatag hide bilang bággi ni Cristo.

Efeso 4:4

Eessa kitam a bággi sakay te essa be a Banal a Ispirito. Konna be hod, eessa la u pag-asa moy kaligtasan nikuna a dulawán kam nu Diyos.

Efeso 5:23

Dipo u lállake u ulo nu kabanga na, konna ni Cristo a ulo sakay tagapagligtas nu mánnampalataya hide a bággi na.

Efeso 5:30

dipo hikitam ay bahagi nu bággi ni Cristo.

Colosas 1:18

Ti Cristo u ulo nu mánnampalataya hide sakay hide u bággi na. Siya u pinaggábwatan nu biyag a awan ti kahád, dipo siya u kadipalonguwan a nabiyag a huway tánni siya u pinakadakila tu atanan.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

Colosas 2:19

Awan hide magpasakup ni Cristo bilang ulo sakay te kapangyariyan tu buo a bággi a namagtongko-tongko sakay mangalaga nikitam a kumán a bággi na. Tu konna hod ay lumagu kitam ayun tu páglagu a gusto nu Diyos.

Colosas 3:15

Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.