1 Corinto 11:2 - U Maganda A Baheta Ni Jesu-Cristo

² Ipagmadakál takam, dipo pirmiyák moy a maala-ala tu atanan a bagay sakay sássunudán moy u intáttoldu ko nikam.

1 Corinto 11:2 Σταυροειδείς Αναφορές

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

1 Corinto 11:17

Pero ti sunud kuwáy a kagiyán, ay awan takam mepagmadakál: dipo u pamággipun-ipun moy ay awan ti neatád a maganda nan mas lalo pa a nedukás.

1 Corinto 11:22

Awan kam beman ti sadile a bilay tánni hod kam a kuman sakay uminom? Oni imemenos moy u mánnampalataya hide sakay pasanikiyán u mágkahirap hide a awan ti matawed a makan? Ánya nadid gimitán kuway? Ahakán takam? Awan! Awan takam maahak!

1 Corinto 15:2

Tu pamamag-itan ni iye ay naligtas kam, ni masibát kam a maniwala tu upos a impangaral ko nikam, maliban dálla ni awan talaga tunay u kássampalataya moy.

1 Corinto 4:17

Dipo he, kaya ko a pinaangay hina ti Timoteo, u pinakamamahal ko sakay tapat a anak tu Panginoon. Siya u mángpaala-ala nikam tu tama a kákkabiyag a sássunudán ko nadid a nákpagkaessaák dán ni Cristo Jesus. Ina hide u itáttoldu ko tu bawat mánnampalataya tu atanan a lugar.

1 Corinto 7:17

Mabiyag u balang essa, ayun tu impagkaluub nikuna nu Panginoon, sakay magtulos-tulos tu date na a kalagayan ti biyag nikuna dulawán siya nu Diyos. Ina u itáttoldu ko tu atanan a mánnampalataya.

1 Tesalonica 1:6

U kakkabiyag me sakay u Panginoon tam a ti Jesu-Cristo u inaheg moy. Sakay nikuna a tanggapan moy u Maganda a Baheta ay nagdanas kam ti makpal a kahirapan, pero maski konna paman hod ay katoy padi nikam u kasayaan a inpagkaluub nu Banal a Ispirito.

1 Tesalonica 3:6

Nadid ay nagsole dán he ti Timoteo, maganda u inbaheta na tungkul tu pánnampalataya sakay págmahal moy. Sakay inbaheta na be nikame a pirme moy kame a maalaala sakay tunay u pagkasoh moy a metan kame. Konna tu pagkasoh me a metan mikam.

2 Tesalonica 2:15

Kanya nadid, kákkapatkákka me hide, manatile kam a matatag a tumáttawed tu intoldu me nikam tu pággupos man oni tu sulat.

2 Tesalonica 3:6

Nadid, kákkapatkákka, te iyutus kame nikam a gábwat tu Panginoon Jesu-Cristo, adeyuwan moy u tamad hide sakay u umád a sumunud tu itáttoldu me nikam.