1 Corinto 11:16 - U Maganda A Baheta Ni Jesu-Cristo

¹⁶ Pero ni tehhod pa a masoh a mákpag-tábbegan tungkul ti iye hide, ay iye u makagi ko: awan kami dán ti iba a kaugaliyan tu págsamba nan sakay iye be u kaugaliyan nu agum pa a mánnampalataya hide tu Diyos.

1 Corinto 11:16 Σταυροειδείς Αναφορές

Gimet 21:21

Sakay nabaheta de a itáttoldu mu kan tu Judio hide a mámmágyan tu banuwan nu Hentil hide a awan di dán kailangan a sumunud tu Kautusan ni Moises. Kinagi mo kam pa a diyan di dán turiyán u anak di hide oni diyan di dán sunudán u kaugaliyan tam a Judio hide.

Gimet 21:24

Ikuyog mo hide sakay gimitán moy u páglinis sigun tu Kautusan. Hiko dán u bahala tu magastus, tánni mapagappás di dán u buuk de. Tán matukuyan nu atanan a awan tatahoden u baheta tungkul niko nan sássunudán mo u Kautusan ni Moises.

1 Corinto 11:15

Pero karangalan nu bábbey ni tehhod siya a atakdug a buuk. Dipo nepagkaluub iye nikuna bilang alibonbun na.

1 Corinto 16:1

Nadid ay tungkul be tu tulung a naipun moy para tu kákkapatkákka hide ti Judea, gimitán moy u konna tu kinagi ko tu mánnampalataya hide ti Galacia.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

1 Corinto 7:17

Mabiyag u balang essa, ayun tu impagkaluub nikuna nu Panginoon, sakay magtulos-tulos tu date na a kalagayan ti biyag nikuna dulawán siya nu Diyos. Ina u itáttoldu ko tu atanan a mánnampalataya.

1 Corinto 9:1

Awan beman malayaák? Awan beman apostolák? Awan beman netan ko ti Jesus a Panginoon tam? Awan beman hikam u bunga nu págserbi ko tu Panginoon?

1 Corinto 9:6

Hikame beman la ay ti Bernabe u kailangan a magtrabaho para tu kákkabiyag me?

1 Tesalonica 2:14

U nangyare nikam kákkapatkákka mi hide, ay konna tu nangyare tu gurupo nu mánnampalataya hide ni Cristo a mágyan ti Judea. Pinasakitan kam nu kabanuwan moy hide a konna tu taga-Judea hide pinasakitan hide nu kasa-Judio di labe hide.