1 Corinto 1:8 - U Maganda A Baheta Ni Jesu-Cristo

⁸ Sakay u Diyos u mangpabegsák nikam hanggan tu katapusan, tánni demáttan kam a awan ti kapintasan tu kássole nu Panginoon tam a ti Jesu-Cristo.

1 Corinto 1:8 Σταυροειδείς Αναφορές

Lukas 17:24

Dipo u Anak nu Tolay ay dumemát a konna tu kilat a magdemlag tu buo a langet.

Lukas 17:30

Konna labi hod i mangyariyay tu káddemát nu Anak nu Tolay.

Roma 14:4

Ti deya ka a manghatul tu utusan nu iba? U amo na la u makapanghatul nikuna ni tama u gággimitán na oni awan. Sakay magimet na u tama, dipo u Panginoon u mangtulung nikuna.

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

Roma 8:19

Maski ni u buo a linalang hide nu Diyos ay gusto di dán a ipahayag nu Diyos u anak na hide.

1 Corinto 5:5

iyatád moy ni Satanas i tolayan ina tánni mepahamak u bággi na sakay tán para maligtas u ispirito na tu Aldew nu Pághatul nu Panginoon.

2 Corinto 1:13

U insulat mila nikam ay u kaya moy a basaán sakay intendiyán kaya umasaák, kaya umasaák a tu dimodyan a aldew ay maintendiyan moy kame ti husto.

2 Corinto 1:14

Para káddemát nu aldew a kássole nu Panginoon Jesus, ay mepagmadakál moy kame, a konna tu pángmadakál me nikam.

2 Corinto 1:21

U Diyos u nangpatibay nikame sakay nikam tu pákpágkaessa tam ni Cristo, sakay siya be u nangpile nikitam.

Efeso 5:27

Tánni meatubang na u mánnampalataya hide tu sadile na a maganda, banal, awan ti kapintasan sakay ányaman a dangát.

Filipos 1:10

Tánni matukuyan moy ni ánya u pinakamaganda a dapat moy a gimitán. Para tu káddemát nu Aldew nu kássole ni Cristo ay demáttan nakam a malinis sakay awan ti kapintasan.

Filipos 1:6

Siguraduwán ko nikam a u maganda a gimet a sinapulan nu Diyos nikam, ay tapusán na hanggan tu aldew nu kássole ni Cristo Jesus.

Colosas 1:22

Pero dipo tu kákkatay ni Cristo, ay inturing nakam a amigu na tánni makaatubang kam nikuna a banal, matuwid, sakay awan ti kapintasan.

Colosas 2:7

Manatile kam nikuna sakay tulos-tulos a lumagu tu pákkakilala moy nikuna. Magpakatibay kam tu pánnampalataya a netoldu nikam, sakay lagi kam a magpasalamat tu Diyos.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

1 Tesalonica 5:2

Dipo tukoy moy dán a u káddemát nu Panginoon ay konna tu káddemát nu mágtakaw ti gibi.

2 Tesalonica 2:2

diyan kam manteng oni mabalisa tu mabaheta moy a dumemát dán u Panginoon. Diyan kam maniwala maski ni kagiyán de a kinagi nide nu Banal a Ispirito, oni nabaheta de oni nabasa de tu essa a sulat a gábwat kan nikame.

2 Tesalonica 3:3

Matapat u Panginoon. Atádden na kam ti begsak ni pannampalataya sakay ingatan na kam para awan kam matalo ni Satanas.

2 Timoteo 1:12

Ina u dahilan kaya maghirapák ti konna he. Pero maskin konna pa man hod u nangyare nikán, ay awan ko iye ikasanike. Dipo tukoy ko nitideya u sinampalatayaan ko sakay siguraduwák a awan na pabayan u impagkatiwala ko nikuna hanggan tu aldew a kássole na.

2 Timoteo 1:18

Kagbiyan nakwa siya nu Panginoon káddemát nu aldew a Pághatul na. Tukoy-tukoy mo labe ni kodya siya a nagserbi nikán ti Efeso.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

2 Pedro 3:14

Kaya ngane, mahal ko hide a kákkapatkákka, mentaras maguhay kam ti iye hide a bagay, ay pagsikapan moy a mabiyag a te kapayapaan, malinis sakay awan ti dangát tu pangileng na.