1 Corinto 1:7 - U Maganda A Baheta Ni Jesu-Cristo

⁷ Kaya awan kam nagkulang tu ányaman a pagpapala a ispirituwal, mentaras maguhay kam tu kássole nu Panginoon tam a ti Jesu-Cristo.

1 Corinto 1:7 Σταυροειδείς Αναφορές

Mateo 25:1

Kinagi pa ni Jesus “Kona he a talinghaga a mepareho u kahariyan nu Diyos: Te sapulo a mámmadiket a amigo nu ikasal hide. Ayon tu kaugalian de, tu aldew nu kasal ay tagbuwan de u lállake a ikasal a te tawed u bawat essa nide a simbuwan.

Lukas 12:36

Humanda kam a konna tu alipin hide a maguhay tu kássole nu amo de a gábwat tu kasalan, tánni ni dumemát siya sakay tumoktok ay mabukasan de a agad u pintuwan.

Lukas 17:30

Konna labi hod i mangyariyay tu káddemát nu Anak nu Tolay.

Roma 8:19

Maski ni u buo a linalang hide nu Diyos ay gusto di dán a ipahayag nu Diyos u anak na hide.

Roma 8:23

Sakay bakán la a hide! Maski hikitam a timmanggap tu Banal a Ispirito bilang dipalongo a kaluub nu Diyos ay mágdadaingán be mentaras a maguhay kitam a matubus u bággi tam sakay ihayag nu Diyos a anak na kitam.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

2 Corinto 12:13

Anya beman u lamang nikam nu agum a mánnampalataya? Awan, maliban tu awan ko pángngaged nikam tu maskin ánya. Patawadánnák moy ni essa itod a pagkukulang ko.

Galacia 5:5

Pero hikame ay umasa a ibilang nu Diyos a matuwid tu pamamag-itan nu tulung nu Banal a Ispirito sakay tu pánnampalataya me ni Cristo. U katupaden ni iye u pakauha-uhayán me.

Filipos 3:20

Pero para nikitam, u tunay tam a banuwan ay ti langet. Kaya tunay u pagkasoh tam tu págguhay tu kássole nu Panginoon a ti Jesu-Cristo, u tagapagligtas tam.

Colosas 3:4

Ti Cristo u tatahoden a biyag moy, ni mehayag dán siya, ay mehayag kambe a kaguman na sakay mákbahagi kam tu karangalan na.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

2 Tesalonica 1:7

Sakay hikam be a mághahirapán hide ay atádden na ti imangan moy a kaguman me. Mangyare ina tu kássole nu Panginoon Jesus a gábwat ti langet a kaguman nu makapangyariyan na hide a anghel.

2 Timoteo 4:8

Nadid ay matanggap ku dán u kurona nu pagkamatuwid. U Panginoon a makatarungan a maghatul u mangkurona nikán tu káddemát nu aldew a pághatul. Bakán la a hikán nan pati be u atanan a nangmahal ni Jesu-Cristo a maguhay tu kássole Na a huway.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

1 Pedro 1:13

Kanya ngani dapat kam a handa a gimitán u kaluuban nu Diyos. Magin mahinahun kam sakay ituun moy u pag-asa moy tu págpapala hide a tanggapán moy ni mehayag dán ti Jesu-Cristo.

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.

1 Pedro 5:4

Sakay káddemát nu kapunuwan nu Pastol hide ay makatanggap kitam ti magkislap-kislap a kurona a awan masisida.

2 Pedro 3:12

mentaras a uhayán moy u aldew a káddemát nu Diyos. Ti aldiwan itod ay matutod u langet sakay matunaw u atanan bagay a katoy ti lutaáy.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

Judas 1:21

Dyan kam sumina tu págmahal nu Diyos, mentaras a maguhay kitam ni Jesu-Cristo a Panginoon tam. Siya u mángkaluub nikitam tu biyag a awan ti kahád dipo tu kagbi na.