1 Corinto 1:20 - U Maganda A Baheta Ni Jesu-Cristo

²⁰ Nadid, anya u lamang nu mágkalalake hide a tolay, u maisto hide nu Kautusan, u mágkalalake a magdibate ti panahunáy nadid? Awan! Impeta nu Diyos a u karunungan ti munduwáy ay awan ti pinagseserbiyan.

1 Corinto 1:20 Σταυροειδείς Αναφορές

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Juan 12:31

Dummemát dán u odas a hatulan u mundu. Sakay palayasán ti Satanas a maghare tu mundu.

Gimet 17:18

Nákpagtábbegan be siya tu sangan a pinakamaisto a kasale tu gurupo nu Epicureo sakay Estoico. Tehhod be a sangan a nagkagi a, “Ánya wád i kákkagi-kagiyán ne ni mumaru-marunungay a tolay?” Kinagi be nu agum, “Mangaral wád tungkul tu agum a diyos nu taga iba a banuwan.” Konna hina u kagi de dipo nangaral ti Pablo tungkul ni Jesus sakay tu kákkabiyag a huway.

Roma 1:20

Sapul pa nikuna a lalangán nu Diyos i munduway, u katangian na a awan ketan, u awan ti kahád a kapangyariyan na sakay u pagka-Diyos na ay maliwanag a ketan tu bagay hide a linalang na, kanya awan hide ti medahilan.

Roma 1:22

Kagi de a mágkalalake hide, pero u tatahoden ay awan hide ti katuko-tukoy.

1 Corinto 1:19

Dipo nesulat, “Sidaán ko u karunungan nu mágkarunung hide, sakay gimitán ko a awan ti kabuluhan u katalinuwan nu mágkalalake hide.”

1 Corinto 1:26

Kákkapatkákka hide, isipán moy u kalagayan moy nikuna dulawán kam nu Diyos. Sasangan la nikam u makagi a mágkalalake, tehhod a kapangyariyan sakay mayaman a tolay.

1 Corinto 1:27

Pero pinile nu Diyos u nebilang hide a awan ti tukoy a tolay ti munduwáy para ipasanike u mágkalalake. Pinile be nu Diyos u mágkahina hide para ipatagama u mágkabegsák.

1 Corinto 1:28

Pinile nu Diyos u neturing hide nu mundu a mababa a tolay, awan ti halaga, sakay awan ti kabuluhan ti munduwáy tánni ipeta nu Diyos a u inturing a mahalaga nu tolay he hide ti munduway ay inturing nu Diyos a awan ti seserbi.

1 Corinto 11:32

Pero ni ipakultad nu Panginoon a parusaan na kitam, itod ay para tolduwan na kitam tánni awan kitam mekuyog tu bakán hide a mánnampalataya a parusaan nu Panginoon.

1 Corinto 2:6

Pero tu mágkatatag dán hide tu ispiritwal a kákkabiyag, u itáttoldu me ay u karunungan nu Diyos, bakán a karunungan ni munduwan iye oni u tagapamahala hide ti panahunan iye a u kapangyariyan de ay lumipas.

1 Corinto 2:8

Essa man tu tagapamahala hide ti panahunáy nadid ay awan ti nakaintendi ti iye a lihim. Dipo ni naintendiyan di iye, ay awan di nakwa inpako tu kudus u Panginoon tam a makapangyariyan.

1 Corinto 3:18

Dyan moy dayaán u sadile moy. Ni tehhod a magakala nikam a malalake siya ayun tu karunungan ni munduwáy ay dapat ibilang na dán u sadile na a awan ti tukoy tánni matukuyan na u karunungan a gábwat tu Diyos.

1 Corinto 3:19

Dipo u karunungan ti munduwan iye ay awan ti kabuluhan tu pangileng nu Diyos. Konna he u nakasulat tu Kasulatan, “Ekhutan nu Diyos u mágkalalake hide tu kalalakiyan di labe.”

1 Corinto 6:2

Awan moy beman tukoy a u pinile hide nu Diyos u mághatul ti munduway? Ni hikam u maghatul ti munduway, awan moy beman kaya a hatulan u konna hina ti kabadit a bagay?

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.