1 Corinto 1:2 - U Maganda A Baheta Ni Jesu-Cristo

² Iye a sulat ay para tu mánnampalataya hide a katoy ti Corinto a pinili na para magin kao na tu pamamag-itan nu pákpagkaessa ni Cristo Jesus. Kumonna be tu pinile hide tu atanan a lugar a dumulaw tu ngahan nu Panginoon a ti Jesu-Cristo, u Panginoon tam a atanan.

1 Corinto 1:2 Σταυροειδείς Αναφορές

Gimet 10:36

Nadid inpakapospos nu Diyos tu Israelita hide u Maganda a Baheta tungkul tu pákpágkasundu tu pamamag-itan ni Jesu-Cristo, u Panginoon nu atanan!

Gimet 15:9

Eessa u pangileng nu Diyos nikitam sakay hide; pinatawad na hide tu kasalanan de dipo tu pánnampalataya de.

Gimet 18:1

Káttapos ay limmakad ti Pablo ti Atenas sakay immangay ti Corinto.

Gimet 22:16

Awan kadán ti dapat a uhayán? Tumaknág ka dán sakay magpabawtismo sakay dumulaw tu ngahan nu Panginoon tán mapatawad ka tu kasalanan mo hide.’ ”

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Gimet 9:13

Pero timmábbeg ti Ananias, “Panginoon, makpalák dán a nabaheta ti tolayan iye, tungkul tu kadukássan a ginággimet na tu mánnampalataya hide ti Jerusalem.

Gimet 9:14

Sakay immangay siya ti Damasco wáy, a te karapatan a gábwat tu pupuno nu saserdote hide, para dakáppán u atanan a summampalataya niko.”

Gimet 9:21

Nagtaka u atanan a nakasaneg nikuna, kanya kinagi de, “Awan beman sa iye u date mágpapahirapán tu mánnampalataya hide ti Jerusalem? Sakay awan beman immangay la he tánni dakáppán hide sakay tawidán tu pupuno nu saserdote hide?”

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

Roma 10:12

Awan ti pagkakaiba u Judio hide sakay u Hentil hide. Eessa la u Panginoon nu atanan sakay siya u mangatád tu makpal a pagpapala tu atanan a dumulaw nikuna.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Roma 8:28

Tukoy tam atu atanan a bagay, ay magahikad u Diyos para tu kapiyyaan nu atanan a mangmahal nikuna. Iye u gággimitán nu Diyos tu atanan a mangyare tu tolay hide a pinili na a makaguman tu plano na.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

1 Corinto 10:32

Dapat bakán a hikam u magin dahilan nu págkasala nu agum, nu Judio hide, nu Griego hide, oni u kakagumanan moy hide a mánnampalataya.

1 Corinto 12:27

Nadid, hikam u bággi ni Cristo. Sakay u bawat essa ay parte nu bággi na.

1 Corinto 8:6

para nikitam ay eessa la u Diyos, u Ama a nanglalang tu atanan a bagay, sakay biyag kitam para nikuna. Eessa u Panginoon, ti Jesu-Cristo: tu pamamag-itan na ay nilalang u atanan a bagay sakay tu pamamag-itan na ay biyag kitam.

2 Corinto 1:1

Gábwat iye a sulat nikán a ti Pablo a apostol ni Jesu-Cristo, ayun tu kaluuban nu Diyos sakay gábwat tu kapatkákka tam a ti Timoteo. I sulatan iye ay para tu mánnampalataya hide ti Corinto sakay tu mánnampalataya hide a mágyan ti buo a Acaya:

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

Galacia 1:2

U atanan nu kákkapatkákka tam a katoy he ay kaguman ko a mákkumusta nikam a mánnampalataya hide a taga-prubinsiya ni Galacia.

Efeso 5:26

Ginimet na iye para hikitam a mánnampalataya hide ay magin banal tu atubang nu Diyos dipo hikitam ay imbilang na a nalinisan dán tu pamamag-itan nu pánniwala tam tu upos na kanya hikitam ay nabawtismuwan dán tu dinom.

1 Tesalonica 1:1

Hikán ti Pablo sakay kaguman ku he di Silas ay ti Timoteo a summulat nikam a mánnampalataya hide a taga-Tesalonica, sakay sakup nu Diyos a Ama sakay nu Panginoon a ti Jesu-Cristo. Magkahod kam nakwa ti págpapala sakay kapayapaan a gábwat tu Diyos.

1 Tesalonica 4:7

Dinulaw kitam nu Diyos para mabiyag a tehhod a kabanalan bakán a tu kadukássan.

2 Tesalonica 1:1

I sulatan iye ay gabwat nikan a ti Pablo, sakay kaguman ko di Silas ay ti Timoteo. Tu Simbaan ti Tesalonica, mákkumusta kame nikam a mánnampalataya hide a taga-Tesalonica, a pinile nu Diyos Ama sakay u Panginoon tam a ti Jesu-Cristo.

1 Timoteo 2:8

Kaya gusto ko a manalangin u lállake hide tu bawat pággipun-ipun, sakay ni magdasal hide ay maari de a iyontok u kamat de bilang patunay a malinis u paggisipan de sakay awan ti hinanakit oni pamágdadema.

1 Timoteo 3:15

ni mara awanák makademát a pagdaka ay tukoy mu dán u dapat a ugale nu tolay hide a kabilang dan tu pamilya nu biyag a Diyos. Dipo intiwala nikitam u tatahoden tungkul ni Cristo a kuman a hikitam u adigi sakay pundasyon nu tatahoden.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

2 Timoteo 2:22

Kaya iwasan mo u mágkadukás hide a hilig nu kabataan. Sikapán mo a gimitán u tama, magin matapat sakay mapagmahal. Sakay mabiyag ka ti mapayapa a kaguman nu tolay hide a mágdasal tu Diyos ate malinis a puso.

Hebreo 10:10

Dipo tu págsunud ni Jesu-Cristo tu kaluuban nu Diyos, ay lininis na kitam tu kasalanan tam hide tu pamamag-itan nu pág-alay na tu sadile na a bággi. Pumensan nala iye a ginimet, sakay awan dán iye mahuwa-huway.

Hebreo 13:12

Kaya konna labi hod, natay ti Cristo tu luwas nu banuwan tán malinis na u tolay tu kasalanan de hide tu pamamag-itan nu dige na.

Hebreo 2:11

Ti Jesus u magpabanal tu tolay hide. U Ama na sakay u ama ni iye hide a tolay ay eessa. Kanya awan na ikasanike a dulawán na hide a kapatkákka na.

Judas 1:1

Hikán ay ti Judas, a tagapagserbi ni Jesu-Cristo, a wadi ni Santiago. I sulat kuwáy ay para tu pinile hide nu Diyos, a mabiyag tu págmahal nu Diyos a Ama sakay áalagaan ni Jesu-Cristo.

Pahayag 19:16

Sumássulat tu badu na sakay tu pengkel na u ngahan a, “Hare nu atanan a hare sakay Panginoon nu atanan a panginoon.”