1 Corinto 1:10 - U Maganda A Baheta Ni Jesu-Cristo

¹⁰ Nadid kákkapatkákka hide, mákkekakagbiyák nikam tu ngahan nu Panginoon tam a ti Jesu-Cristo: mabiyag kam ti maayus a awan mamágdadema magkaessa kam ti isip sakay layunin tánni awan nikam ti pamágkampe-kampe.

1 Corinto 1:10 Σταυροειδείς Αναφορές

Mateo 9:16

Sakay awan ti mangdihop ti bigu a tela para áppolan u ábbut tu dati a badu. Dipo ni labaan de u badu ay bumadit u bigu a tela a inyáppol de. Batakán nu bigu a tela u dati a badu sakay pisadán na. Mas dumakál dán nadid u sida nu badu.

Markos 2:21

“Awan ti magáppol ti bigu a risato tu date a damit dipo ni nabatak u bigu a risato, mabatak u ináppolan sakay lalo a dumakál u pisad.

Markos 3:24

Ni mamáglaban-laban u tolay hide tu essa a banuwan ay masida i kahariyanan itod.

Juan 10:19

Dipo ti kinagiyan iye ni Jesus ay nagkahod dámman ti págtalo-talo u Judio hide.

Juan 17:23

Hikán ay hod nide sakay hiko ay hod nikán, tánni tatahoden a magin essa hide. Tán matukuyan nu taga-mundu hide a pinaangayák mu he, sakay matukuyan di be a mahal mo u maniwala hide a konna tu págmahal mo nikán.

Juan 7:43

Kanya iba-iba u pánniwala nu tolay hide tungkul ni Jesus.

Juan 9:16

Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus.

Gimet 4:32

Namágkaessa ti isip u mánnampalataya hide. Sakay awan sinadile nu bawat essa u ari-arian de nan para nide a atanan.

Roma 1:13

Mahal ko hide a kákkapatkákka, gusto ko a matukuyan moy ni sanganák dán a beses a mággagayakán pero tehhod la a hadlang. Gusto ko a umangay hina tánni tehhodák be a maakit ti pánnampalataya ni Cristo, konna tu ginimet ko tu bakán hide a Judio tu lugar hide a inangayan ko.

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

Roma 12:16

Mabiyag kam ti mapayapa tu balang essa. Dyan kam magmadakál, ni awan mákpággagum kam ti maayus tu mababa hide ti kalagayan a tolay. Dyan kam mágmaru-marunung.

Roma 15:30

Kanya mákkekagbiyák nikam, kákkapatkákka ko hide, alang-alang tu Panginoon a Jesu-Cristo sakay tu págmahal a gábwat tu Banal a Ispirito, tulungannák moy tu panalangin moy.

Roma 16:17

Kákkapatkákka ko hide, magingat kam tu tolay hide a maggimet ti pamágguru-gurupo nikam sakay manggággulo tu pánnampalataya moy. Magtoldu hide kontara tu adal hide a natanggap moy nikame. Kanya iwasan moy hide.

1 Corinto 1:11

Dipo inbaheta nikán nu kabilay hide ni Cloe a mamágdadema kam hina.

1 Corinto 11:18

Dipo nabaheta ko a tu pamagipun-ipun moy ay awan kam ti pamágkaessa. Sakay maniwalaák a tatahoden iye.

1 Corinto 12:25

Konna hod u ginimet nu Diyos tánni magkaessa a mamágtulung u bawat parte nu bággi, sakay mamágmalasakitan hide.

1 Corinto 3:3

Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

1 Corinto 4:16

Kaya mákkekakagbiyák nikam a umaheg kam nikán.

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

2 Corinto 13:9

Dipo masayaák ni mahinaák sakay hikam ay bumegsák. Kaya, u idáddasal ko ay tulos-tulos kam a lumagu.

2 Corinto 5:20

Kaya hikame ay inutusan ni Cristo; a u Diyos a mismo u mákpágguhon nikam tu pamamag-itan me. Mákpágguhon kame nikam alang-alang ni Cristo; a magsole kamon tu Diyos.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Galacia 4:12

Ipákkekagbi ko nikam kákkapatkákka ko hide, ahigánnák moy a awan dán nanalig tu Kautusan sapul nikuna a simmampalatayaák ni Cristo. Hikán ay nagin konna nikam a Hentil dipo bakán dán a u Kautusan a inyatád tu Judio hide u mahalaga nikán. Awan kam nikán ti nagimet a madukás.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Filipos 3:16

U mahalaga ay magtulos-tulos kitam a sumunud tu tatahoden a natukuyan tam.

1 Tesalonica 5:13

Igalang moy hide ti husto sakay pakamahalán dipo tu tarabaho de nikam. Mamággagum kam ti maayus sakay mapayapa.

2 Tesalonica 2:1

Nadid, kákkapatkákka me hide, tungkul be tu kássole nu Panginoon a ti Jesu-Cristo ay maipun kitam a tumagbu nikuna, kaya ipákkekagbi ko nikam,

1 Timoteo 5:21

Iyutus ko niko tu atubang nu Diyos, sakay ni Jesu-Cristo sakay tu anghel na hide a ipatupad mo iye a awan ti panigan.

2 Timoteo 4:1

Nadid, Timoteo, tu atubang nu Diyos sakay ti Cristo Jesus a mághatul tu biyag sakay tu patay hide, tu kássole na para maghare, ay iyutus ku niko a,

1 Pedro 2:11

Kákkapatkákka ko hide, bakán a munduwáy u permamente tam a págyanan nan kumán kitam la a bisita ti iye. Kanya mákkekagbiyák nikam, adággen moy dán u mágkadukás a kagustuwan nu bággi moy dipo ina u mangsida tu kássunud moy tu Diyos.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.