Leviticus 7:7 - Manobo Western Bukidnon OT

⁷ Ebpeked-iring dà is sulunuzen mehitenged te pemuhat he para idlumpiyu wey te pemuhat he vayad te salà: is usa kayi he menge pemuhat gaked en te memumuhat he nemuhat kayi.

Leviticus 7:7 Σταυροειδείς Αναφορές

Leviticus 14:13

Edlepaan din haazà is kerehidu ziyà te segradu he lugar, ziyà te lepeey te pemuhat he para idlumpiyu wey te pemuhat he edtutungen. Heini is pemuhat he kerehidu, utew segradu, ne para zà heini te menge memumuhat, he iring te pemuhat he idlumpiyu.

Leviticus 7:8

Is lundis te uyaǥen he pemuhat he edtutungen ne ǥaked daan te memumuhat he nemuhat duen.

2 Hadì 12:16

Is selapì he imbeǥey zuma te menge halad su imbayad te salà wey is menge pemuhat he para idlumpiyu, wazà haazà iahuk duen te kahun diyà te valey te Nengazen, su para zà haazà te menge memumuhat.

Leviticus 2:3

Is egkesamà dutun te herina, ne ǥaked ni Aaron wey te menge kevuwazan din, ne utew heini segradu su zuma heini zuen te pemuhat pinaaǥi te hapuy he impemuhat diyà te Nengazen.

Leviticus 2:10

Ne is samà dutun te pemuhat, ne ǥaked en ni Aaron wey te menge kevuwazan din, ne utew heini segradu su zuma heini zuen te pemuhat pinaaǥi te hapuy he impemuhat diyà te Nengazen.

Numero 5:8

Piru ke minatey en haazà is etew he neveelan te mezaat, ne wazà daan megeget he kezuzumahi zin he iyan edawat kayi he vayad, ne haazà is bayad gaked en te Nengazen, ne kinahanglan he ibeǥey haazà diyà te memumuhat duma te kerehidu he ibpemuhat dutun te memumuhat su para mepesaylu is salà dutun he etew.

2 Hadì 12:17

Dutun he timpu, si Hadì Hazael he hadì te Aram midsurung diyà te Gat ne naaǥew zin heini. Ne midisisyun sikandin he edsurungen din daan is Jerusalem.