Leviticus 7:11 - Manobo Western Bukidnon OT

¹¹ Iyan heini menge sulunuzen mehitenged te pemuhat he para te meupiya he kedepità te Nengazen:

Leviticus 7:11 Σταυροειδείς Αναφορές

Ezekiel 45:15

wey sevaha he kerehidu ziyà te kada 200 he ebpuun diyà te menge uyaǥen niw. Menge pemuhat heini he gasa, menge pemuhat he edtutungen, wey menge pemuhat he para te meupiya he kedepità su wey kew mevelukasi tenged te menge salè niw. Iyan a, is Nengazen he MEGBEVAYÀ, is migkaǥi kayi.

Leviticus 7:10

Is langun he menge pemuhat he para gasa, he midsehuǥan te lana etawa wazà, ne ǥaked en daan te menge kevuwazan ni Aaron ne purungi zan heini bevehina.

2 Cronica 33:16

Ne zutun mibpepurungan din sikan is pemuhatà he para te Nengazen ne mibpemuhatan heini te menge pemuhat he para te meupiya he kedepità wey menge pemuhat he para te kebpeselamat. Migkeǥiyan din is menge meǥinged diyà te Juda he mebpenilbi zan te Nengazen he Megbevayà te Israel.

Erubasa 7:14

“Midtuman ku ǥeina is penangdù ku ziyà te Nengazen he ebpemuhat a, umbe zuen usa ziyà te valey.

Amos 5:22

Umbe, minsan uwiti e pa keniyu te nekedseselekawà he menge pemuhat, minsan iyan pa is kineupiyahan he pemuhat, kenè ku heeyan edewaten.

Leviticus 7:29

he keǥiya zin heini ziyà te menge Israilihanen: Is minsan hentei he ebpemuhat te pemuhat he para te meupiya he kedepità, kinahanglan he mebeǥey sikandin te vahin kayi he pemuhat diyà te Nengazen he iyan ebpekezawat duen is menge memumuhat.

Leviticus 19:6

Keena niw is usa kayi zutun te andew te kebpemuhat niw etawa sunud he andew. Piru emun duen egkesamà he usa taman te iketelu he andew kinahanglan he edtutungen heini.

Leviticus 22:29

Emun ebpemuhaten a keniyu te pemuhat he para kebpeselamat kedì, sunuza niw is hustu he paaǥi te kebpemuhata kayi su para zewata ku heini.

2 Cronica 29:31

Ne migkaǥi si Hezekia te, “Ǥuntaan te ingkahalad niw en is keugelingen niw ziyà te Nengazen, uwit kew te menge pemuhat diyà te Baley te Nengazen, ragkes en is menge pemuhat he para te kebpeselamat.” Umbe mid-uwit is menge etew ziyà te valey te Nengazen te menge pemuhat he migkaǥi te hadì, ne is duma, keugelingen dan he suat is kebpemuhat dan te menge pemuhat he edtutungen.