Leviticus 13:3 - Manobo Western Bukidnon OT

³ Ne ed-ahaan te memumuhat is bahin te lundis he midtuvuan dutun, emun midlevag haazà is lundis, wey mibmemeputì is bulvul zuen, tutuu he zuen din daru te lundis. Ne segugunà egkeǥiya zuen te memumuhat diyà te menge etew he meremerik haazà is etew.

Leviticus 13:3 Σταυροειδείς Αναφορές

Malakias 2:7

“Kinahanglan he is memumuhat he ebpenurù te hustu he ketau, ne iyan sikandin egkeinsaan te menge etew ke hengkey is hustu he ed-ul-ulahan.

Haggai 2:11

Ke sikandin te, “Insai nu is menge memumuhat ke hengkey is migkaǥi ziyà te kesuǥuan bahin kayi.

Hoseas 7:9

In-awà te menge etew ziyà te zuma he menge nasyun is ibpekegaga zan, piru wazè dan heini meseǥipà. Iring sikandan te meǥurang he ebmeputì en is bulvul zin piru wazè din meseǥipà he meǥaan en sikandin ebpatey.

Ezekiel 44:23

Kinahanglan he ebpenuruen dan is menge etew ku ke hengkey is segradu wey ke hengkey is kenà segradu, ke hengkey is lumpiyu wey meremerik.

Ezekiel 16:30

“ ‘Siak, is Nengazen he MEGBEVAYÀ, migkaǥi a te utew ka meluya umbe nehimu nu heini he menge vaal. Iring ka te vahi he wazè din keelezan he ebelegyà te zengeg din.

Leviticus 13:2

Emun is lundis te sevaha he etew edlevag etawa ebuketur etawa ebmeputìputì, he egkehimu ke edekelà he zaru te lundis, edumahan heini he etew ziyà te ki Aaron he memumuhat etawa sevaha zuen te menge memumuhat he kevuwazan ni Aaron.

Leviticus 10:10

Ereg he egketuenan niw ke hengkey is para te Nengazen wey para te langun, is lumpiyu wey meremerik.

Genesis 13:3

Ne puun dutun te Negev midhalinhalin sikandin taman te nekeuma en maan diyà te uvey te Betel he iyan sikan is daan he nesevukan te tulda zin he ziyà te pid-elangan te Betel wey Ai.

Leviticus 13:4

Iyan, emun haazà is mibmeputìputì diyà te lundis din ne kenà tuus te zaru te lundis wey wazà mebmeputì is bulvul zutun, ne idsivey sikandin dutun te memumuhat puun te menge etew seled te pitu he andew.

Leviticus 5:3

Emun nekeǥawed sikandin te meremerik he vutang te etew he wazè din metueni he igkehimu ves kandin he meremerik is kegkeveeli zin dutun, ebpekesalà sikandin dutun te timpu te kegketueni zin kayi.

Leviticus 13:8

Ne emun tutuu he midelandap haazà is dezeisey he menge levag, ne egkeǥiyan dutun te memumuhat diyà te menge etew he meremerik haazà is etew su zuen din daru te lundis.

Leviticus 13:10

Emun egkesusi te memumuhat he ebmemeputìputì is levag he iyan hinungdan te kebmemeputì te menge vulvul zuen, ne egkeehè en is sapù,

Leviticus 13:20

Ne emun edlevag haazà is mibuketur zutun te lundis ne tuus heeyan te zaru te lundis ne ebmemeputì daan is menge vulvul kayi, ne ebpesayud is memumuhat he meremerik haazà he etew, su zuen din daru te lundis he mibpuunà pinaaǥi te levag.

Leviticus 14:37

ne edsusiyen din ke hab-ung be is diyà te elavat. Ne emun egkeehè din he meilem-ilem etawa meriǥàriǥà is ebuketur zutun te elavat,

Leviticus 14:54

Iyan heeyan menge sulunuzen mehitenged te menge zaru te lundis he edeǥes, etawa edlevag, etawa ebmemeriǥà, etawa ebmeputìputì, ne mehitenged te hab-ung te visti wey valey. Ne pinaaǥi kayi he sulunuzen egketuenan niw ke hengkey is lumpiyu wey ke hengkey is meremerik.