Josue 7:22 - Manobo Western Bukidnon OT

²² Umbe, duen menge etew he midsuǥù ni Josue he megaanggaan medhendiyà te tulda ni Acan. Ne neehè dan iyan dutun is menge azen he inleveng, sumalà is nekaǥi ni Acan.

Josue 7:22 Σταυροειδείς Αναφορές

Deuteronomio 25:19

Umbe, dèdeeti niw is menge Amalikanhen emun ibpehimeley kew en te Nengazen he Megbevayè niw su egkezaag niw en is langun he menge kuntada niw zuen te tanà he ibeǥey zin keniyu su wey niw maangken. Ne kenè niw heini lipati.

Josue 7:21

Duen te menge azen he netavan tew, duen ku neehè he mekempet he visti he ebpuun diyà te Babilonia, pelata he menge dezuwa he kilu wey tengà, wey senge verita he vulawan he menge tengà te kilu. Utew ku neimahi heini he menge azen, umbe migkuwa ku. Ne inleveng ku heini ziyà te tanà he seled te tulda ku, ne ziyà te kinezizeleman sikan is pelata.”

Josue 7:23

Ne mid-uwit dan heini ziyà te ki Josue wey te langun he menge Israilihanen, ne insavuk dan diyà te etuvangan te Nengazen.