Joel 1:8 - Manobo Western Bukidnon OT

⁸ Sineǥew kew iring te raǥa he mibivisti te saku te kebpaahà he ingkeseeng din is kebpatey te ebpengesawa kandin.

Joel 1:8 Σταυροειδείς Αναφορές

Erubasa 2:17

Haazà he vahi nekidsuwey te esawa zin hein betan-en pa sikandin; wazè din en isipa is meupiya he menge penangdù din diyà te Megbevayà.

Isaias 22:12

Dutun he andew mid-umew kew te Nengazen he MEGBEVAYÀ he Mekeǥeǥehem su ibperuǥur kew zin wey ibpesineǥew. Migkeǥiyan kew zin he ipetuusi niw is kedlalew niw pinaaǥi te kepevangul niw wey kebivisti niw te saku.

Isaias 32:11

Kinahanglan he utew kew mahandek, is menge vahi he ebpeeyehey zà wey wazà igkeipeng. Luwasa niw is menge visti niw ne tetapis kew te saku.

Jeremias 3:4

Ne ǥuntaan egkaǥi kew kayi te kedì te, ‘Amey ku, duma ku sikew puun pa te vatè e pa.

Penhulùhulù 1:4

Is menge zalan pehendiyà te Jerusalem mekeseseeng, su wazè en edhendiyà te ked-azap dutun te netelaan he menge timpu te pista. Mekevulungbulung is langun he pultahan kayi. Edag-es is menge memumuhat kayi, ne is menge raǥa ebpemenlalew. Utew mekeseseeng is nehitavù te Jerusalem.

Amos 8:10

Edhimuwen ku he sineǥawan is kedlipey niw emun timpu te pista, ne edhimuwen ku he hulùhulù is menge kegkanta niw. Ebpevistiyan ku sikiyu te saku wey edsuǥuen ku he mebpevangul su wey niw ikepaahà is kedlalew niw, iring te menge ǥinikanan he edsineǥew tenged te kebpatey te vudtung he anak dan. Piru edhuna pa he mesakit is ketepusan kayi he menge silut.”

Malakias 2:15

Kenè be sikiyu is teleesawa, midsevaha te Nengazen is lawa niw wey gehinawa niw? Geina te egkesuat sikandin he mekaanak kew te egkehimu he ǥaked din. Umbe mebpekevantey kew he kenè niw mesupak is penangdù niw zutun te ked-esewaa niw te esawa niw hein menguhed kew pa.