Genesis 12:16 - Manobo Western Bukidnon OT

¹⁶ Tenged ki Sarai mibpurungan dutun te hadì si Abram, ne mibeǥayan din si Abram te menge vaka, kerehidu, menge asnu he vehiyan wey meemahan, wey menge kemilyu, wey menge uripen he vahi wey maama.

Genesis 12:16 Σταυροειδείς Αναφορές

Genesis 13:2

Utew en sepian si Abram su utew mezakel is menge ayam din wey mezakel is menge azen din he pelata wey vulawan.

Genesis 13:6

Ne tenged kayi kenà ereg is tanà he egkepenebtavan te langun he menge ayam dan ki Abram. Ne tenged te utew mezakel is menge sakup dan wey menge ayam dan, kenè en egkehimu he ebpeemurè dan dutun te tanà he ed-ubpaan dan.

Genesis 16:1

Ne si Sarai, sikan is esawa ni Abram, kenà ed-anak. Duen uripen din he Ehiptohanen he egngezanan ki Hagar.

Genesis 20:14

Ne zutun in-ulì ni Abimelec si Sara ziyà te ki Abraham, ne mibeǥayan din si Abraham te menge kerehidu, baka, wey menge uripen he maama wey vahi.

Genesis 24:35

Midtuvazan sikandin te Nengazen, ne utew zekelà is ketiǥeyunan din guntaan. Mibeǥayan sikandin te Nengazen te menge kerehidu, menge kambing, menge vaka, menge kemilyu, menge asnu, menge pelata, menge vulawan, wey menge suluǥuen he maama wey vahi.

Genesis 26:14

Neima kandin is menge Filistihanen su utew mezakel is menge kerehidu zin, kambing, baka, wey menge suluǥuen din.

Genesis 30:43

Pinaaǥi kayi, midsepian utew si Jacob. Ne utew midmezakel is menge uyaǥen din ragkes is menge kemilyu wey menge asnu. Mezakel zaan is menge suluǥuen din he menge maama wey vahi.

Genesis 32:5

Ne keǥiyi niw sikandan he zuen ku en menge vaka, menge asnu, menge kerehidu, wey menge kambing, ne zuen ku zaan menge suluǥuen he vahi wey maama. Keǥiyi niw sikandin he midsuǥù ku sikiyu he edhangyù kandin he ikeǥaǥew e zin ded.”

Job 1:3

Duen din 7,000 he menge kerehidu, 3,000 he menge kemilyu, 500 he paris he vaka, wey 500 he menge vehiyan he menge asnu. Ne zuen din daan mahabet he menge suluǥuen. Iyan sikandin pinekesepian te langun he menge etew ziyà te zapit te edsilaan te Israel.

Job 42:12

Umbe, midtuvazan te Nengazen is huziyan he vahin te ked-ubpà ni Job te lavew pa zuen te nehuna. Mibeǥayan din sikandin te 14,000 he menge kerehidu, 6,000 he menge kemilyu, 1,000 he paris te menge vaka, wey 1,000 he vehiyan he menge asnu.