Genesis 1:26 - Manobo Western Bukidnon OT

²⁶ Ne zutun migkaǥi is Megbevayà te, “Edhimuwen tew is menusiyà he iring kenitew su wey zan meveyveyai is menge isdà diyà te zaǥat wey is menge tagbis diyà te hewhewanan wey is menge langgam he ayam wey leew wey is menge keranapranap he ebpenanap wey edula ziyà te tanà. Ebeyveyaan dan is tivuuk he tanà.”

Genesis 1:26 Σταυροειδείς Αναφορές

Genesis 3:22

Ne migkaǥi zutun is Nengazen he Megbevayà te, “Nehimu en is menusiyà he iring kenitew su egketuusan din en is meupiya wey mezaat. Umbe utew kinahanglan kenè sikandin edtuǥutan he mekekaan dutun te veǥas te kayu he ebpekeveǥey te untung, su emun ebpekekaan sikandin ne kenè en ebpatey te wazà pidtemanan.”

Genesis 5:1

Iyan heini keguǥuza te menge kevuwazan ni Adan. Dutun te kedlimbaǥa te Megbevayà te menusiyà, midhimu zin is etew iring te kandin he zagwey.

Salmo 100:3

Kilelaa niw he Megbevayà is Nengazen! Iyan sikandin midlimbag kenitew, ne ǥaked kiw zin. Menge etew kiw zin ne iring kiw te menge kerehidu he mid-elimahan din.

Isaias 64:8

Piru minsan pa te iyan heeyan, iyan ka gihapun Amey zey, Nengazen. Iring ka te mendiziyun, ne sikami iring te vasak. Iyan ka mibaal kenami te langun.

Genesis 9:6

Ke zuen etew he edhimatey te zuma zin he etew edhimetayan daan sikandin te zuma zin he etew. Su midlimbag te Megbevayà is etew he iring te zagwey zin.

Megwewali 7:29

Ne lavew te langun, nesusi ku he midlimbag te Megbevayà is etew para medtinazeng piru kezekelan te menge paaǥi te etew ne kenà metazeng.”

Isaias 6:8

Ne nezineg ku is laǥeng te Nengazen he migkaǥi te “Hentei vuwa is edsuǥuen ku? Hentei vuwa is edhipanew para kenami?” Midtavak a te, “Heini e zed! Iyan a suǥua.”

Salmo 149:2

Medlipey kew is menge tig-Israel; ikelipey niw is midlimbag keniyu. Medlipey kew is menge etew ziyà te Zion tenged te hadì niw.

Genesis 11:7

Kuwa kew en, edhendiyè kiw, ne ibpedseselekawè tew is kineǥiyan dan su wey zuen mezakel he menge kineǥiyan su wey kenè dan mekedsesevutà.”

Jeremias 27:6

Guntaan ganì ne ibeǥey ku is menge nasyun niw ziyà te suluǥuen ku he si Hadì Nebucadnezar he hadì te Babilonia. Minsan is dumezaas he menge langgam ibpezizalem ku te kedumala zin.

Job 35:10

Piru wazà sikandan mebpengumew-umew te Megbevayà he midlimbag kandan wey mibeǥey kandan te zesen dutun te timpu te kelised.

Job 5:23

su kenè en heini egkaid kenikew. Ne kenè ke en egkereǥenan he ebpemula ziyà te vetuwen he vevesukè nu.

Genesis 2:19

Ne zutun, puun dutun te tanà, midlimbag te Nengazen he Megbevayà is langun he menge leew he menge langgam wey is langun he menge tagbis he ziyà ebpemenlayang te hewhewanan. Ne impeetuvang din haazà is langun dutun te etew su ed-ahaan din ke hengkey is menge igngazan kandan duen te etew. Ne sumalà is igngazan te etew te uman sevaha zutun te linimbag he egeǥehinawa ne iyan en ngazan din.

Isaias 45:18

Iyan ka Nengazen, kes Megbevayà. Midlimbag nu is langit wey is kelibutan. Wazè nu himuwa is kelibutan he mehiǥawan, kekenà, mibeelan nu heini su wey meubpai. Migkaǥi ka te, “Iyan a Nengazen, ne wazè en duma pa.

Job 39:11

Ebpekesarig ke ve te zesen din para egketerebahu zin is meveǥat he terebahu nu?

Solomon 1:11

Ebeelan dey sikew te eritis he vulawan he edsehuǥan te pelata.