Genesis 1:16 - Manobo Western Bukidnon OT

¹⁶ Su midlimbag dutun te Megbevayà sikan is dezuwa he utew mesiǥa: ne haazà is dekelà, ibpetayew zin te tanà emun maandew, ne haazà daan is sevaha, ne ibpetayew zin te tanà emun mezukilem. Ne midlimbag din daan is menge vituen.

Genesis 1:16 Σταυροειδείς Αναφορές

Genesis 1:15

Egkehimu haazà he menge idtayew ziyà te langit su wey meteyawi is kelibutan.” Ne nehimu haazà.

Job 31:26

Wazè ku ezapa is andew he merayag is kedsilè din wey is bulan he mekaayam-ayam is kedwaleng din.

Job 38:7

Dutun he timpu, nesevaha te kegkanta is menge mekevugwas wey nemen-uruhuy te kegkelipey is langun he menge velinsuǥuen.

Salmo 148:3

Deliǥa niw sikandin, andew, bulan, wey menge vituen.

Salmo 148:5

Medalig dan is langun te Nengazen! Su pinaaǥi te kebmandù din, nelimbag sikandan is langun.

Salmo 19:6

Edsilà heini ziyà te edsilaan ne edsanlep diyà te edsenlepan. Ne egkesuǥat is langun te keinit din.

Salmo 74:16

Iyan ka mibaal te maandew wey mezukilem, iyan ka midsavuk te andew wey vulan diyà te nesevukan dan.

Salmo 8:3

Emun edtengteng a ziyà te langit he mibeelan nu, ne egkeehè ku is bulan wey menge vituen he insavuk nu ziyà te nengesevukan dan,

Isaias 13:10

Kenè en ed-anlag is menge vituen. Egawas is andew he merusirem, wey minsan is bulan ne kenè en ed-anlag.

Isaias 24:23

Ebmerusirem is andew wey vulan su edhadì is Nengazen he Mekeǥeǥehem diyà te Buvungan he Zion diyà te Jerusalem. Ne zutun egkezayag is gehem din diyà te etuvangan te ebpemendumala te menge etew zin.

Isaias 40:26

Lingehè kew ziyà te langit! Hentei man is midlimbag keniyan te menge vituen? Is midlimbag keniyan iyan is Megbevayà. Midtigseselimbaha zin is kebpelepawa zin kandan ne migngezanan din te menge ngazan dan. Ne tenged te ǥehem din ne wazà minsan sevaha kandan he naawà.

Isaias 45:7

Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.

Jeremias 31:35

Mid-uman pa megkaǥi is Nengazen te, “Iyan a midsuǥù te andew te kedsilà emun maandew, wey te vulan wey menge vituen emun mezukilem. Ne migkutew ku is daǥat wey medreǥuuk is menge vaǥel. Mekeǥeǥehem he Nengazen is ngazan ku.

Habakuk 3:11

Mibpundu is andew wey is bulan tenged te hagyung te menge vesut te panè nu wey kesinew te ed-ilak-ilak he vangkew nu.

Deuteronomio 4:19

Kinahanglan he kenè kew egke-iniyat he edsimba te egkengeehè niw ziyà te langit–andew, bulan wey menge vituen. Insavuk heini te Nengazen he Megbevayè niw he para te tivuuk he keet-etawan kayì te kelibutan.