Ester 8:16 - Manobo Western Bukidnon OT

¹⁶ Ne utew heini ingkelipey te menge Judio wey nekeveǥey kandan te zengeg.

Ester 8:16 Σταυροειδείς Αναφορές

Salmo 97:11

Is keupiya te Megbevayà ne iring te andew he edsilà diyà te menge metazeng ne ebpekeveǥey heini te kelipey kandan.

Erubasa 11:10

Ed-ugyab te kegkelipey is menge meǥinged diyà te inged dan emun ed-uswag is menge metazeng he etew; igkelipey zaan te menge meǥinged dutun emun ebpatey is menge etew he mezaat is menge ulaula.

Salmo 18:28

Nengazen he Megbevayè ku, iyan ka kerayag ku. Emun merusirem, ne iyan ka sulù ku.

Isaias 35:10

Heini is menge nevelukasan te Nengazen edlikù sikandan diyà te Jerusalem is ebpemenganta. Melipayen dan layun; egkaawè en is menge seeng dan wey menge kegkerasey zan.

Salmo 112:4

Minsan merusirem duen gihapun kerayag para te menge etew he hustu is paaǥi zan te kebpengungubpaan, kelelaǥan, hihizuwen, wey metazeng.

Ester 4:16

“Genat ka, ne tiǥuma nu is langun he menge Judio he kayi te Susa ne puasa kew para kediey. Kenè kew megkaan wey med-inum seled te tetelu he andew wey tetelu he kezukileman. Ebpuasa a zaan wey is menge suluǥuen ku he menge vahi. Ne emun egkepasad, ne edhendiyà a te hadì minsan pa te supak heini te kesuǥuan. Belaǥad ke himetayi a.”

Salmo 118:27

Is Nengazen, iyan sikandin Megbevayà; ne utew kiw zin mibpurungi. Ed-uwit kiw te menge subpang te kayu te kedsilibra tew te pista, ne edliǥuy kiw zuen te pemuhatà.

Salmo 30:12

Umbe, kenà a ebpereremek dà, kekenà, egkanta a te menge kedalig kenikew. Nengazen he Megbevayè ku, ebpeselamatan ku sikew te wazà pidtemanan.

Erubasa 28:12

Emun metazeng is egkehimu he zekelà is keǥehem din, ne henduen be te ibayew is menge etew tenged te kegkelipey zan, iyan, emun lalung is egkehimu he zekelà is keǥehem din ne edliyasen is menge etew.