2 Samuel 23:5 - Manobo Western Bukidnon OT

⁵ Iyan heeyan ked-ahà te Megbevayà te pemilya ku, su midhimu sikandin kayi te kedì te kebpekid-uyun he wazà pidtemanan. Heini he kebpekid-uyun, ne kenè en egkevelvelewanan ne kenè en daan egkeilisan. Umbe egkeperateng ku he lelayun a edluwasa te Megbevayà, wey ibeǥey zin kedì is langun he egkesuatan ku.

2 Samuel 23:5 Σταυροειδείς Αναφορές

Isaias 55:3

Uvey kew wey mebpemineg kediey su wey kew meuyag. Ebpekid-uyun a keniyu te wazà pidtemanan. Ibpeehè ku keniyu is gaǥew wey kebmetinumanen ku he insaad ku ki David.

Jeremias 32:40

Ebpekid-uyun a kandan te wazà pidtemanan, idsaad ku kandan he layun a ebaal te meupiya ziyà te kandan. Ebeǥayan ku sikandan te tinguhà te kedtahud kediey, su wey zan kenà med-awà kayi te kedì.

Amos 9:11

“Egkeuma is andew he ed-umanan ku ebenguna is ginhedian ni David he iring te lawig he nerundus. Su ebpurungan ku heini is nezeetan, ne ibpeuman ku ibpehitindeg iring duen te nehuna.

Ezekiel 37:26

Ne ebpekid-uyun a kandan he ebpekeubpà sikandan he meupiya is kebpekesavuk, ne heini he uyun ebpedayun te taman te taman. Ibpeubpè ku sikandan diyà te tanè dan, ne ibpemahabet ku sikandan, ne ebengunen ku ziyà te kandan is baley ku te wazà pidtemanan.

Isaias 61:8

“Su siak, is Nengazen, dekelà diyà te gehinawa ku is hustu he kukuman. Egkeepesan ku is kebpenakew wey zuma pa he mezaat he vaal. Tenged te kebmetinumanen ku ebeǥayan ku te suhul is menge etew ku wey ebpekid-uyun a kandan te uyun he wazà pidtemanan.

Isaias 27:6

Egkeuma is timpu he zutun is menge tig-Israel, he menge kevuwazan ni Jacob, ebpendalid iring te pinemula. Ebpeneringsing heini wey ebpengevukad. Ebpemeǥas heini te mahabet ne ebpekeeneb te tivuuk he kelibutan.

Isaias 11:1

Is menge kevuwazan ni David he menge hadì dengan, iring sikandan te mibpiley he kayu. Ne ǥeina te neneringsing en guntaan is tued kayi, duen gihapun kevuwazan daan ni David he egeraran te Subpang. Egkehimu sikandin he veǥu he hadì tew.

Isaias 7:14

Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’

Isaias 4:2

Egkeuma is timpu he ibpeuswag wey ibpemekempet te Nengazen is menge pinemula ziyà te Israel, ne is menge sebpet dutun te tanà, egkehimu he zengeg wey kelipey te egkesamà he menge etew ziyà te Israel.

Salmo 119:81

Edarà ad is edtaǥad te kedlibriya nu kedì, piru edsarig a ǥihapun te lalag nu.

Salmo 89:3

Migkaǥi ka te, “Midhimu ku is kebpekid-uyun ku te suluǥuen ku he si David, he mibpilì ku he egkehimu he hadì. Ne iyan heini impesarig ku kandin:

Salmo 62:2

Iyan sikandin endilungè ku wey menluluwas ku. Iyan sikandin eputè ku, umbe kenà a egkezeetan.

Salmo 27:4

Duen sevaha he mibuyù ku ziyà te Nengazen he utew ku en egkesuati he iyan is: kebpekeubpè ku ziyà te valey zin seled te tivuuk he untung ku, ne zutun egkepurung ku egkengunùngunù is keupiya zin, ne ebpekahangyù a ziyà te kandin he giyahi e zin.

1 Hadì 12:14

sumalà te sambag kandin duen te menge vetan-en. Migkeǥiyan din sikandan te, “Meveǥat is impetuman te amey ku keniyu, piru meveǥat pa is ibpetuman ku keniyu. Emun midlagkut kew te amey ku te letigu, ne iyan idlagkut ku keniyu is iring te venayew he memeǥarang he putew.”

1 Hadì 11:38

Emun edtumanen nu is langun he idsuǥù ku kenikew wey edsunuzen nu is menge paaǥi ku, wey emun ebaal ka te meupiya ziyà te etuvangan ku pinaaǥi te kedtumana nu te menge sulunuzen he ibpesunud ku wey menge suǥù iring te mibeelan ni David he suluǥuen ku, eduma a kenikew. Ebpekepedayun ebpekahadì is menge kevuwazan nu iring te menge kevuwazan ni David, ne ibeǥey ku kenikew is Israel.

1 Hadì 1:5

Dutun, si Adonia he anak ni David diyà te sevaha te menge esawa zin he si Hagit, mibpahambug he egkehimu sikandin he hadì. Umbe mid-andam din is menge kerwahi wey menge kudà wey 50 he etew he vantey zin.

2 Samuel 18:14

Migkaǥi si Joab te, “Kenà a egkeuǥet kayi te kenikew!” Migkuwa si Joab te vangkew he tetelu ne mibeyaan din si Absalom he nevivitey zutun te kayu he ulayan he uuyag pa. Ne mibpilak din diyà te kumeng si Absalom.

2 Samuel 13:28

Migkeǥiyan ni Absalom is menge sakup din te, “Teǥazi niw ke egkelangut si Amnon, ne emun edsinyas a, ne himetayi niw en sikandin. Kenè kew mahandek; su iyan a midsuǥù keniyu. Pekezesen kew wey pekevurut kew.”

2 Samuel 13:14

Piru wazà mebpemineg is Amnon kandin, ne tenged te mezesen si Amnon ki Tamar ne midlayug din sikandin.

2 Samuel 12:10

Umbe, tenged te mibeelan nu, puun guntaan layun duen tebek wey ebpehimetayà diyà te pemilya nu, tenged te midsupak a kenikew ne migkuwa nu is esawa ni Uria.’

2 Samuel 7:18

Dutun midseled si Hadì David dutun te Tulda he zutun kes Kavan te Kebpekid-uyun. Ne mibpinuu sikandin diyà te etuvangan te Nengazen ne mibpengemuyù te, “He Nengazen he MEGBEVAYÀ, hentei e ves wey is pemilya ku maan is midtuvazan a kenikew te iring kayi?

1 Samuel 25:28

Peseyluwa a kenikew te menge kegkurang ku. Siguradu he edhimuwen ka te Nengazen he hadì wey is menge kevuwazan nu, su mibpekidtebek ka tenged kandin. Deyzey ke kenè ka ebaal te mezaat te kemulu ke pa uuyag.

1 Samuel 2:35

Ne ebpilì a te metazeng wey metinumanen he memumuhat he edsunud te egkesuatan ku. Ne ebeǥayan ku sikandin te menge kevuwazan he ebpenilbi te mibpilì ku he hadì taman te taman.

Genesis 9:16

Emun egkeehè niw is belugtu ziyà te menge ǥapun, ed-ahaan ku zaan, ne edtenuzan ku is wazà pidtemanan he kebpekid-uyun ku keniyu te langun he linimbag ku ziyan te kelibutan he egeǥehinawa.”

2 Samuel 7:12

Emun ebpatey kad ne idleveng ka zuma te menge kepuun nu, ibpuli ku kenikew is sevaha te menge anak nu, ne edlig-enan ku is ginhedian din.

Isaias 54:10

Minsan egkengetempag pa is menge vuntud wey menge vuvungan, ne kenà mulà egkaawà is gaǥew ku wey penangdù ku he ebeǥayan ku sikew te meupiya he kebpekesavuk. Iyan a, is Nengazen he nehizu kenikew, is migkaǥi kayi.

Jeremias 33:21

Ne iring daan keniyan is kebpekid-uyun ku ki David he suluǥuen ku, he iyan is layun din duen kevuwazan he egkehimu he hadì. Ne iring din daan is menge memumuhat he kevuwazan ni Levi ebpenilbi ǥihapun sikandan kediey.

Salmo 111:9

Midlibri zin is menge etew zin, ne midhimu zin is kebpekid-uyun kandan te wazà pidtemanan. Waǥas sikandin wey egkein-inuwan.