2 Samuel 19:8 - Manobo Western Bukidnon OT

⁸ Ne midhitendeg si David ne ziyà mebpinuu te pultahan te inged. Hein netuenan heini te menge etew, ne miburunburun dan diyà te kandin. Dutun he timpu, ne nemekepelaǥuy en he ed-ulì is menge sundaru te Israel he menge sakup ni Absalom.

2 Samuel 19:8 Σταυροειδείς Αναφορές

2 Samuel 15:2

Neleyaman ni Absalom is emun egkepukew te meselem ne ziyà edhithitindeg te kilid te zalan pehendiyà te pultahan te inged. Ne emun duen ebpekeuma he etew he zuen sumbung din he ibpehusey te hadì, ne ed-insaan din ke hendei ed-ubpà, wey egkaǥi haazà is etew ke hengkey sikandin he tribu te Israel.

2 Samuel 18:17

Migkuwa zan haaza is lawa ni Absalom ne in-ulug dan te vudsi ziyà te ketelunan ne midtembuan dan te mehabet he menge vatu. Ne nemelaǥuy is langun he menge sundaru te Israel ne mibpemen-ulì dan.

2 Samuel 18:24

Ne zutun te ebpimpinuu si David diyà te teliwazà duen te zezuwa he pultahan he ziyà te ǥawas wey ziyà te seled he vahin te verengbeng he zutun te inged. Nemenahik dutun te verengbeng is tigbantey te inged ne midhithitindeg dutun te atep te pultahan te inged. Ne mibpememantew sikandin, ne zuen neehè din he sevaha he etew he ebpelelaǥuy.

2 Samuel 18:4

Midtavak si Hadì David te, “Ebeelan ku is meupiya para keniyu.” Ne midhitindeg si Hadì David dutun te uvey te pultahan te inged dutun te kemulu en edliǥawang is langun he menge sakup din he mibahin te tig-1,000 wey tig-100.

2 Samuel 19:3

Mid-eles-eles dan mebpenlikù diyà te inged he Mahanaim, iring te menge sundaru he nengeeled su nemelaǥuy te tebek.

1 Hadì 22:36

Ne hein midsanlep en is andew, duen mibensag dutun te menge sundaru te Israel te, “Is kada sevaha med-ulì en diyà te kandin he ed-ulian!”

2 Hadì 14:12

Nezaag is Juda te Israel, ne nekedsusuwey is menge sundaru te Juda he nemelaǥuy pehendiyà te ed-ulian dan.

2 Hadì 8:21

Umbe, midhendiyà si Jehoram te Zair he mid-uwit din is langun he kerwahi zin. Midliǥuyan sikandin wey is menge peremandar te menge kerwahi zin te menge Edomanhen. Piru hein mezukilem, midtik-awan dan etekiya is menge Edomanhen, ne nekepelaǥuy zan su nekelawang dan. Ne zutun mid-ulì is menge sundaru ni Jehoram.

1 Samuel 4:10

Umbe, nekidtebek is Filistihanen, ne nezaag dan haazà is menge Israilihanen. Utew mezakel is nemematey; 30,000 he menge Israilihanen is minatey. Ne is nengesamà he menge Israilihanen ne mibpemelaǥuy ne mibpen-ulì dan diyà te ubpaan dan.