Pang Shug 3:7 - Lacid Common Language Bible

⁷ Philadephia phung da" moug: lagyoo: jhang khyoo: hid: su" ein: lhid" we'. He: da" dang: gi gyeungshang: ziyo' deingmain" su: jang" mo mungdang: nghoid. Nyang: gi David da" khoem" thoug" ci: su: nghoid. Houg: yoomo nyang: wigi khoem" ri phang too" lang" hang" we' ayo" myhid" loo- hau: lho: nyang: wigi khoem" ri myhed" too" lang" gi hang" we' ayo" phang lo: su:- jang" mo mungdang: nghoid.

Pang Shug 3:7 Σταυροειδείς Αναφορές

ESAIA 22:22

David da" amyed ashen khokham da" vhoo: moo amyeing" akhang" bain sho' nyang: ri ngoo byid wa. Nyang: gi yung" khoem" thau" yo" seing: wa. Nyang: phang ziri hang" ayo" myhid" wa. Nyang: myhid" to" ziri hang" ayo" phang wa.

MATHE 16:19

Ngoo gi nang ri Mougkhung: Mungdain: da" khoem" thoug" joem ri we' byid: wa. Myidjang: tho moo nang tei" too" matoo" gi Mougkhung: tho' moo we' tei" too" wa. Myidjang: tho' moo nang phoid: kaid moo kaid gi Mougkhung: tho' moo we' phoid: kaid wa» ga: tid.

Pang Shug 1:18

Ngoo gi dadei nyid su: we' nghoid- ngoo shid: bye: nghoid loug we' apyaid atoo: moo ngoo dadei nyid shid: loo" no lo" da" khyoo: yo' moo vo, mau: da" atho' moo we' vhoeb, wa amyeing" ngoo yo.

YOBA 12:14

Mangso wigi phyo' soin' pyam ziri hang" doem yo" zhug too" wa la". Houg: lho: Mangso wigi myheig lhung to" zi shoug" su: ri hang" yo" lhoid pyoin' kaid wa la".

Pang Shug 6:10

Nyangnu" thui: zeing yo' nyho: tid nyid zigi gyeungshang: da" yoem: moo" bo ziyo' deingmain" da" Aseing: we"- myidjang: tho' moo nyid mo, ri ngoonu" shid re" suid" phoug" latoo: phug byid: wa Nang khamyhang ju" sho' dang: aphyed ashen" yhen, loo: za: nyid nyid wa la"» ga: myed: nyid boem.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

LUKA 1:32

Hau: zooshang: gi gyi: sheung: loo wa Myhang: thang da" Mangso nya: zoo: ga: myheing shau" myheing wa. Aseing: Mangsoo gi Nya: phoo David da" khokham" khoo" nyang: ri byid: wa zi nghoid.

MARKU 1:24

Nazared mo Yesu we"- nang yo' ngoonu" cisen: la". Ngoonu" ri lhu: phyo' pyam wa ein: ju" re" la". Nang hang" nghoid ziri ngoo se'. Nang gi Mangso gyeungshang: lagyoo: nghoid» ga: tid.

ESAIA 41:14

Aseing gi Israela we"- nang gi nge wigi yoem: nheing: yhang: ti" nghoid da:. agyug- ngoo nang ri pang" thoug byid: wa. Nang ri khyoid yu su: gi Israela da" gyeung" shang: da" Mangsoo ngoo nghoid.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

Pang Shug 19:11

Moug: khung: moug: di ri phang kaid' lang" houg: moo myang: phyu: ju: nyid su: ri ngoo myang kaid'. Hau: myang: tho' moo zhoung: jo, su: gi deing byeung" ziyo' deingmain" su: nghoid. Nyang: gi nya: da" meing" zain: gyipui" moo tarha" nyeung veung" khyo" zain: nyid su: nghoid.

Pang Shug 3:14

Ladoki phung da" mauglagyo: jhang khyoo: hidsu" ein: lhid" we' He: da" mungdang: gi Mangsoo phain" to" da" ziyoo dangain" da" apoem: ayang: geung: teung jo, ziyo' deing byeung" da" sagsi: phoo- Amen, ga: su: jang" mo mungdang: nghoid.

ESAIA 54:5

Nang ri phain" so: too" su: gi re" yhoem: seing: phoo yhang: ti" nghoid loo wa. Nya: myeing gi myhang: thang Aseing ga: zi nghoid. Israela da" gyeung" shang: Mangsoo gi nang ri khyoid yu wa. Nyang: gi mougmyid goin" da" vhoeb" khang" su: nghoid da:.

Pang Shug 5:9

Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.

Pang Shug 1:11

Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

ACTS 3:14

Nyang: gi gyeungshang: ziyo' gi su: nghoid- nghoid loug we: nanu" gi nyang: ri he: ngeug" pyam ago". Byu said' su: ri she' nanu" lhoid pyoin kaid' wa shid re" pilaid jhang nanu" mho' ago".

MATHE 24:35

Mougkhung yo" myidjang: led: loo" nghoid loug we' nga" Mungdang: gi aled: loo" wa.

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

LUKA 4:34

Agyeungshang: da" yu gi «Nazared phoo Yesu we"- Aseing: gi ngoo yo" cisen: lha". Ngoo shid: joem: byo yoin" loo" wa shid' re ju" re" la". Aseing: gi hang" nghoid zi ngoo se'- Aseing: gi Mangso jang" mo ju" re" da:- gyeungshang: myhang: thang su: nghoid ga: wigi thui: moo" yo nyho: tid.

ESAIA 55:5

Akhid" tungbau byumyu" yiri nanu" khe: zheing" yu loo wa. Goonham' nyangnu" gi nanu" ri asi' nghoid ago". Nghoid loug we' akhid" nanu" yo' xo' tei" wa tang" re" nyid boem bye:. Ngoo- nanu" Aseing Mangsoo- Israela da" gyeung" shang: Mangsoo gi he: gu dangain" bui" nhang: wa. Ngoo gi ngi: shab ziyo' phung" yoeb nyangnu" ri byid: wa» ga: tid.

Pang Shug 15:3

Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.

ESAIA 49:7

Israela da" gyeung" shang: Mangsoo yo' khyoid yu su: gi xoo: sho' aphoug" akhyoid koid zi shoug" su: byumyu" yi wigi ngheing" su: vhoebkhang" bang: da" dei zoo: ri «Nang loid nhang: kaid ziri khokham yi shau" myang lang" nyangnu" ri phau" myang: byid: wa shid re" to' yab loo wa. Khokham nu" yi we' hau: ziri myang wa lho: nyangnu" gi nang ri phau" myang: wigi goeb pid loo goo" wa» ga: tid. Aseing gi nya: dei zoo: ri khyen: too" bye: yoomo he: zigi bue" loo wa nghoid. Israela da" gyeung" shang: Mangsoo gi nya: dangsoo" joem ri zoem: su: nghoid da:.

ESAIA 48:17

Nanu" ri khyoid yu da" Aseing Israela da" gyeung" shang: Mangsoo tid zigi «Ngoo gi nanu" akyu" shid re" nanu" ri jhoug" shid byid: noug su: nanu" yhi: eung: da" khyoo: ri lhoem: shid byid: su: nanu" Aseing Mangsoo nghoid.

ESAIA 47:4

Israela da" gyeung" shang: Mangsoo gi ngoonu" ri loid byoin nhang: kaid bye:. Nya: myeing gi myhang: thang Aseing nghoid.

ESAIA 41:20

Byumyu" yigi he: ziri shau" myang: wigi hau: moo" ri ngoo Aseing koid da" khyoo: se' lo goo" wa. Israela da" gyeung" shang: Mangsoo gi hau ziri nhang: su: nghoid ziri nyangnu" se' gyo: loo goo" wa» ga: tid da:.

ESAIA 41:16

Nang gi nyangnu" ri moug: tho' khyoo: jhu" to' kaid wa. lid gi houg: bang: ri moid tang" lo" byug wa. Nyangnu" gi uglid wigi hau' tang" pyam zi shoug" wa. Hau: thang: nanu" ngei pyo: loo wa. Ciwim gari ngoo gi nanu" Mangsoo nghoid. Nanu" gi Israela da" gyeung" shang: da" ngoo Mangsoo ri coung" nghei loo goo" wa.

ESAIA 6:3

Nyangnu" nyang: cang" «Gyeung" shang:- gyeung" shang:- gyeung" shang:- myhang: thang Aseing gi gyeung" shang: nya: phung" yoeb gi mougmyid tho' moo byeung" jo,» ga: tid nyid boem ago".

COUNG" NGHEI 145:17

Aseing gi nyang: zei: da" moo" dangain" jang" moo deing: byeung" nyid zi nghoid yoomo nya: moo" zoo" dangain" jang" moo: nheig yu" khyeug nyid su: nghoid.

COUNG" NGHEI 89:18

Aseing we" nang gi ngoonu" ri goem loem byid: wa su: khyen byid: nyid da:. Israela da" gyeung" shang: Mangsoo we" nang gi ngoonu" shid re" khokham byid: too" bye:.

YOBA 11:10

Mangsoo gi nang ri myheig yu wigi tarha" yung" moo tid go" ri nyang: ri toem' pyam wa hang" nyid la.

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.

Pang Shug 19:2

Nyang: dang: phyed khyoo: gi deingmain" ziyo' nyeung veung" nyid. Mougmyid gyab, goin" ri nya: aved, avhu: khyoo: yo' shoid vhang: nhang: da" shava myhi, ri nya: yoobo dam, kaid' bye- nya: da" dei zoo: yi ri hau" myi: ye: wigi said' pyam' yoomo Mangsoo gi nyang: ri yoobo dam, kaid' abye:,, ga: tid nyid ziri ngoo shau" gyo.

Pang Shug 16:7

Hau: thang: ri xoin" to' phoin: mo thu lo da" thui: gi " Athang agoin yoem: moo" bo da" Aseing: Mangso- Nang dang: phyed' nyid da" khyoo: gi deingmain" da" khyoo: yo' deing nyeung" khyoo: nyang: nghoid bye"- ga: tid nyid ziri ngoo shau" gyo.

Pang Shug 4:8

Hau: da" gougnyhoug myid: ja: goin" moo dung khyug khyab, khyab, dab, boem wigi gung tho' gung khoug: dangain" jang" moo myojid" za: byeung" sho' sho' dab, ago". Nyangnu" gi nyid" ri myen" ri anoo: ayab, loo: za: " shid' phyang" apyaid' he: da" apyaid' thang: phyang" apyaid' moo ju" sho' danyid nyid da" yoem: moo" bo Aseing: Mangsoo gi gyeungshang: gyeungshang: gyeungshang: nyid o"» ga: wigi coung" nghei nyid boem ago".

Pang Shug 2:1

Hau: Ephesu phung mo mauglagyo: jhang khyoo:- hidsu" ein: lhid" kaid we' He: da" mungdang: gi lo, yo lo, moo kyi: nyhed cab ci: lho: zhoung: to" da" sheing: myibung: nyhed loem: da" agyoo: moo so" yen" su: jang" mo mungdang: nghoid.

ESAIA 30:11

Ngoonu" da" khyoo: ri shu' ge'. Ngoonu" da" khyoo: ri axau' too". Nanu" da" Israela da" gyeung" shang: Mangso da" khyoo: ri ngoonu" anau gyoo ga: tid ago".

COUNG" NGHEI 16:10

Khasu" wim gari nang gi ngoo ri moo: vo, moug: yoem: so' mo goem loem yu byid: bye:. Hau: lho: nang jheddab su: ri- moo: vo, moug: moo: she: pyam, too" wa zi anghoid.