Pang Shug 1:2 - Lacid Common Language Bible

² Yohan ginyang: shau" myang yu khyoo: ri doem tid khyo" hid: moo bo da" khyoo: joem gi Yesu Khristu khyo" Mangsoo jang" mo pang shug da" mungdang: joem nghoid.

Pang Shug 1:2 Σταυροειδείς Αναφορές

1Korinthians 1:6

Ngoonu" kho" kyo" kaid da" Khristu da" khyoo: ngei bu: ludang: gi ri- nanu" moo: geing: geing: teing teing agyi: zoug jo, bye.

Pang Shug 12:17

Houg: lang" main jung: ni, zeing ginheig khoo" yo:' wigi myi: yi myhi, yo' hau: youg da" amyed ashen, yi ga: da" Mangso amyeing" dang: yo' Yesu khyo" pang shug to" da"-deingmain" da" khyoo: moo loem" jeung" tam" gyo: lho: cang loo" mo, ri gyi khaid wa shid re" thu' loo" khari" bye.

1YOHAN 1:1

Xang: shid" mo nyid nyid bye: da" hau" kangso' dei da" mungdang: khyoo: ri nanu" jhang khyoo: ngoonu" lhid" kaid' boem. ngoonu" gi hau: ziri shau" gyo: yu" boem bye- myojid" yo' we' myang yu" boem bye- nghoid -ngoonu" myang yu" boem bye: yoomo ngoonu" da" lo, wigi we' shau" tain" yu boem bye.

YOHAN 21:24

He da" khyoo: ri lhid" too" su: gi hau: khyoo: ri tid da" cangzoo: phoo nyang: nghoid bye. Nyang: tid da" khyoo: joem gi deung main" nyid ziri ngoonu" se'.

YOHAN 19:35

(He: khyoo: ri nanu" we' loem" jeing" loo wa shid' re" myojid" myang da" sagsi: dayug gi tid kyoo" bye. Houg: su" tid kyo" da" khyoo: gi deingmain" da" khyoo: nghoid. Hau: yug nyang: nya: dang: main" da" khyoo:- ri nyang: se.)

Pang Shug 1:19

Houg: yoomo nang shau" myang bye: da" khyoo: ri we' akhid" jo, jo, gu: ri we' thang: phyang" bue" loo wa khyoo: ri we' lhid" too" we'.

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.

ACTS 26:16

Nghoid loug we' to' lho: so" yhe: loo" we' nang ri nga" dei, zoo: khyo" nyheung too" wa shid re" nga" gung nang ri toin" shid' bye. Akhid" nyid" ngoo nang ri ce: noem toin" shid' bye: da" khyoo: yo' Thang: phyang" ngoo nang ri toin" shid' shi" wa khyoo: ri Nang gi subi" gooji yi ri sagsi: kham, byid: ca" wa zi nghoid da.

YOHAN 12:17

Lazaru ri loeb' khoug: mo khe: thu' yu lho: shid: jang mo dei to'' loo nhang: da" uri bo myang bang: gi Yesu khasu" koid; da" khyoo: ri khyang" lo" shid' boem.

Pang Shug 6:9

Hau: thang: ri nyangnu" gi wim: loem: ein: da" dazid' ri doem phang kaid' uri Mangso mungdang: ri kho" kyo" yen" ziyo' jhug zug loem" jeung" da" sagsi: ri kham, yoomo said' pyam' shau" mo, da" soobyoo venyi: joem ri hau: xoin" to' da" phoin: gyid" moo ngoo myang.

1Korinthians 2:1

Hougsu" nghoid yoomo mang: nhung" yi we"- Mangsoo yhoem" to" da" mungdang: tid kyoo" wa shid re" ngoo nanu" jang" moo: ju" re" uri- gye" no, da" dang: khoin" joem, yo' phajhi" yo' sen: da" dang: zeing khoin" joem ri ngoo aci.

ACTS 4:20

Khasu" wim gari ngoonu" gi ngoonu" nyang: shau" myang bye: da" khyoo: joem yo' shau" gyo: da" khyoo: joem ri atid loo : ayo" nyid ga: wigi phoug tu" ago".

YOHAN 3:11

Nang ri ngoo deing" deing tid kyo"- Ngoonu" gi nyang: nyang: se' da" khyoo: yo" myang da khyoo: ri tid kyoo". Nghoidloug we' ngoonu" tid kyo" da" dang: ri nanu" hang we' anau lhoem: yu nghoid ago".

YOHAN 1:32

Hau: thang: Yohan sagsi; kham: da" zi gi gyeungshang: Venyi: gi mougkhung: khyo" pheing" kyoug" yhangti"- gyoo" lo lho: nya: tho' moo zhoung: jo, ziri ngoo myang.

Pang Shug 12:11

Ngoonu" da" mang nhung" yi gi yang nu" da" suid" mo we' nyang: nya: kho" kyo" da" deingmain" mungdang: yoomo we' satan: ri oung: pyam' bye. Xo, lho: wigi houg: bang: gi shid: kham jang" moo ju" sho' nyang: nya: da" kang: so' ri vhoo" abyid boem nghoid ago".

3 Yohan 1:12

Byu yug khang" moo" gi Demetri da" ge khyoo: ri sag si: kham' byid: nyid ago". Nyang: cang zei: so' lo" da" khyoo: we' hougsu" deingmain" nyid ngoonu" ri we' sag si: kham' lung: byid: nyid boem wigi ngoonu" da" sag si: kham' dang: we' deung jo, zigi nang se' nyid.

ACTS 22:15

Khasu" wim gari Nang gi nanyang: shau" myang bye: da" khyoo: yo' nanyang: shaug" gyoo: bye: da" dang: ri byu yug khang" moo" ri tid kyoo" byid: wa shid mo hau: Aseung: da" sagsi: bue" loo" wa.

Pang Shug 1:11

Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.

Pang Shug 22:21

Aseing Yesu da" jeju" gi yug khang" moo" yo' dage" dajo, jo, baja" o".