MATHE 25:6 - Lacid Common Language Bible

⁶ «Gamgung myen: rigi ‹phoo seig ju" ri" bye: yhe: tau yu loo: ge'› ga: yoid phau: da" thui: ri zheung: shau" gyo: boem bye.

MATHE 25:6 Σταυροειδείς Αναφορές

2PETRU 3:10

Hau: Aseing: da: bidnyid koem gi-khoug" su: re" yhang: ti: ju" ri wa zi nghoid. Hau: bidnyid moo moug: khung: mougdi gi-gye" gyi: myeung da" thui: zeung yo' bei: loo" byug wa zi nghoid. Moug: khung: mo bidbang gung; joem we' myi: nge" kyu" gyo" pyam' boem wa zi nghoid. Moug: myed yoosoo" yo' jo, moo jo, joem we' bei: lo" byug khare" boem wa zi nghoid.

MATHE 25:1

«Hau: ayo, moo mougkhoung: Mungdain: gi xu: myibung: ri ci: lho: phoo seig ri tau yu wa ga: thu' lo" da" zoomyi: daxi: yug yo" du nyid.

MATHE 24:44

Byu da" nya: zoo: gi nanu" amyid to" da" ayo, akhyeing: moo ju" ri" wa nghoid yoomo nanu" khanham we' jen" jen" koid nyid ge'.

MATHE 24:31

Byu da" nya: zoo: gi laboo" zeing myeing: lo da" uri nya: da" moug: lagyoo: joem ri mougmyid myonhoo: myid: shoid khyoo nhang: kaid wigi Mougmyid dashoid mo zi dashoid khyoo thang sho' moo nyid da" Aseing khyen: too" mo, ri nyangnu" zeung: foem: nyid wa.

ESAIA 25:9

Hougsu" bui" lang" yugkhang" moo" gi «Nyang: gi ngoonu" Mangsoo nghoid. Ngoonu" nyang: ri loem khau: nyid lho: nyang: ngoonu" ri khyoid yu abye:. Nyang: gi Aseing nghoid. Nyang: ri ngoonu" loem khau: nyid wigi akhid" ngoonu" ngei pyo: nyid gau yi nyid. Ciwim gari nyang: ngoonu" ri khyoid yu abye:» ga: tid loo goo" wa.

Pang Shug 16:15

Gyo: yu" ge'. ngoo gi khoug" su: ju" re" yhang: ti" ju" ri" wa Houg: yoomo byimi avoid shoo" cen: doem: nghoid nyid ziyo' sube" da" shid khoin" moo sho' athu' wa shid re" gyeung: boin: nyid wigi nyang: nya: da" byimi, ri zung" nyid su: gi ngi: lhoo' wa zi nghoid.

1THESALONI 4:16

Hau" Aseung: da" yoid nyho: amyeing" thui: yo' mauglagyo: agyi da" thui:- Mangso laboo" thui: zeing yo' Aseing: nyang: moug: khung: moug: di mo gyoo" loo wa zi nghoid- Khristu riloem" jeung" lho: shid: loo" bang: gi xang: shed" moodei to'' lo boem wa zi nghoid.

LUKA 12:46

Hau: yug amyid to" da" bidnyid amyang to" da" ayo, moo yhoem: seing: gi doem ju" lo wigi hau: yug ri adu du lo jhu khyo lho: wigi dang: azung" atrha" mo kham: zo: wa da" dam, ri shau" kham: zo: nhang: zi nghoid.

LUKA 12:20

Nghoidloug we' Mangsoo gi Byu fang: phoo nang we"- akho: myen nyang: re" kangso' gi thang loo" wa. Houg: yoomo nang young: to" da" ziyoo jonu" joem gi hang" lo, moo vang loo" wa lha"» ga: tid.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

AMO 4:12

Houg: yoomo «Israela byumyu" yi we" ngoo gi nanu" ri yooboo dam kaid lho: wa. Ngoo hidsu" koid wam bye: nghoid yoomo nga" dang: phyed khyoo: thoung" shoug" zoo: wa shid re" xei nyid loo: ge'» ga: tid da:.

COUNG" NGHEI 98:9

Khasu" wim ga: ri nyang: gi byumyu" dangain" bang: ri nyeung veung" ziyo' gam mi gam shoo" yi vhoebkhang" nyid wa zi nghoid.

COUNG" NGHEI 96:13

Nyang: gi mougmyid tho' mo byumyu" yiri nyeung veung" tarha" yo' gam mi gam shoo" yi vhoebkhang" nyid wa zi nghoid.

MATHE 25:5

Phooseig gi myab aju" ri" myang" nyid yoomo nyangnu" dangain" mo, yhoeb' nghui" nghoi" lho: yhoeb' myhid jo, boem bye

MATHE 25:7

Houg: lang" gi zoomyi: yi dangain" dain' to' lo boem lho: nyang: nya: da" myibung: ri zheung: tab boem.