DANIELA 7:25 - Lacid Common Language Bible

²⁵ Nyang: gi gyi: sheung: myhang: thang da" Mangsoo ri thougtheung dang: tid lo wigi Mangso da" byumyu" yi adang moo doin: zeig zo: lo wa. Nyang: gi nyangnu" da" laloem lakhoug: tarha" joem yo' pui" joem ri thid wa shid re" soin' wigi Mangso da" byumyu" yigi nya: yoem: so' akhoug: moo soem" zain dakhyam" nyid loo wa.

DANIELA 7:25 Σταυροειδείς Αναφορές

Pang Shug 12:14

Hau: myi: yi myhi, gi main jung ni, zeung da" gyi mo loid byoin, loo" sho' soem" zain dakhyam" zung" lhug coung: goem zi shau" wa da" dain" pyoid yoo mo wigi Nya: joyoo khyoo: yo" dang: loo" wa shid re" zoin, bung: zeung da" dung eig khyab, nyang: ri byid: to" zi shau".

2 THESALONI 2:4

Nyang: gi; byu yi noku loem khau: nyid phara ein: ja: nyid moo nyid ri thoutheung shai" go" lho: nya: gung du: ri nyang: houg: dangain" da" atho' moo phung" yoeb, je boo su: nghoid ga: wigi tu: to' coung" nghei loo wa nyang: gi Mangso noku yhoem: khoug: moo lang" yhe: vang zhoung: jo, lho: wigi nya: gung ri nyang: Mangsoo: nghoid- ga: tid fu" nyid wa zi nghoid.

DANIELA 12:7

Moug: lagyoo: gi eig lo, goin" ri mougkhung: khyoo: tu: to' kaid lho: apyaid atoo: mo Mangsoo da" myeing" yo' geing: teing da" dang: so" to" da:. Nyang: tid zigi «He zigi soem" zain dakhyam" myang" loo wa. Mangso da" byu yiri shen" yhen zi thang byug lang" he: gu: dangain" bain bue" byug wa» ga: nyang: tid ziri ngoo shau" gyo:.

Pang Shug 12:6

Myi: yi: myhi, gi nya: shid re" Mangso wigi nyheung too" byid: da" dain" pyoid yoo khyoo: phang: yhe: lo" lho: hau: joyoo moo bidnyid 1260 nyid" ju" sho' nyang: ri coung" goem, zho' jhoug zi shau" nyid.

DANIELA 2:21

Nyang: gi ayo, akhyeing: yo' yo, boin: ri zei: ci: da:. Nyang: gi khokham yiri tu: to' lho: phyo' pyam da:. Phajhi" juyhi: yo' lasi phajhi" byid: su: nyang: nghoid da:.

Pang Shug 18:24

Babelon gi yoobo dam, kaid' ziri shau" khyoo: gi khasu" wim gari hau: voo, moo- lapi: yi yo' Mangso byu yi da" suid"- moug: myed tho' moo said' pyam' zi shau" moo shug" mo, da" suid" joem ri houg: moo shau" myang yoomo nghoid nyid.

DANIELA 7:20

Houg: lho: ngoo gi nya: da" vhuloem moo khyoug: daxi: loem: da" khyoo: yo' thang: moo cang yug thu re" da" khyoug nu" gi hau: khyoug: soem" loem: ri Kuid: gyoo" loo" nhang: ziri si nau da:. Nyang: moo myojid" joem yo' nghoid boin tung" phau: tid da" nhoid daloem: dab da:. Khyoug: hau loem gi goo" loem: tho' je yu" gyoug sho' zi nghoid da:.

ESAIA 37:23

Nang wigi aphoug" akhyoid juang" pyam yug hang" nghoid ein: nang jho: la". Nang gi Israela da" gyeung" shang: Mangsoo nghoid da" ngoo ri aphoug" akhyoid koid zi nghoid abye:.

DANIELA 7:8

Hau: khyoug: joem ri ngoo zhug yu" nyid uri khyoug joem agyoo: moo khyoug: nu" daloem: yug thu re" ziri ngoo shau" myang. Hau: khyoug: nu" gi houg: moo yug jo, bye: da" khyoug: soem" khyoug: ri phoin:” pyam byid: da:. He: khyoug moo byu xangsu" da" myo jid" joem dab lho: nghoid boin: tung" phau: tid da" nhoid we' dab da:.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.

Pang Shug 14:12

He: khyoo: gi Mangso da" amyeing" dang: ri cang lho: Aseing: ri loem" jeing" bang: shid re" kham, zeung: yoem: kaid' wa khyoo: ri bue" loo nhang: nyid.

DANIELA 11:28

Suri khokham gi Mangso da" byumyu" yiri phyo' shoin' pyam wa ga: myid phyed ci: lho: nyang: shoug" lhoid yu da" lanyhoeb dangain" yo' dage" yhoem: khyoo: doem tau" loo wa. Nyang: gi nyang: vho: khyo" koid kho' lho: nyang: nya: moug: khyo: doem tau" phang: loo" wa.

Pang Shug 16:6

Houg: bang: gi gyeungshang: Mangso byu yi yo' nya: lapi: yi da" suid" ri foid shoin: pyam' byid: boem bye: yoomo Nang gi nyangnu" ri suid" doem shug nhang: bye- houg: gi nyangnu" kham, moin: da" dam nghoid bye:- ga: tid nyid ziri ngoo shau" gyo.

DANIELA 4:25

Nang gi byu phung: mo khaid thu pyam zi shau" wigi siyoo gougnyhoug joem yo' nyid ca" wa. Nang gi nuloo: yhang: ti" nyhed zain goin" vufu" zo: lho: re" adang moo nghain: gyo" da" jang: pa: moo yhoeb ca" wa. Houg: lang" nang gi xangsu: byu mungdain: dangain" ri gyi: sheung: myhang: thang da" Mangso wigi zei: ci: ziyo' nyang: gi hau: ziri nyang: yo" byid: pyam ziri nang kham: yu loo wa.

DANIELA 4:32

Nang ri xangsu: byu phung: mo kaid thu pyam zi shoug" wa bye:. Siyoo gougnyhoug joem yo' nyid ca" wa. Houg: lho: nyhed zain myang" sho' nuloo: dadu: yhang: ti" vufu" zoo: ca" wa. Houg: lang" gyi sheing: myhang: thang da" Mangsoo gi xangsu: byu yi da" mungdain: joem ri vhoeb wa yoem: so' yo" lho: nyang: khyen: to" da" byu hang" ri nghoid loug we' hau: zi yo" byid: ziri nang yhen: yu loo wa» ga: tid.

2 THESALONI 2:3

Kha: khyo" nghoid loug we' nanu' ri hang" wigi we' ayo" mhoid" goo" baja"- khasu" wim gari thang" thang da" Mangsoo ri gyi koid zi abui" shi" ri ngarai" mung" khyoo: khyo, pyam' zi shau" wa nghoid nyid hau: akhyeung" su: athu' loo shi" da" uri hau" bidnyid ju loo zi anghoid.

2 THESALONI 2:8

Hau: thang: rigi he: da" akhyeing" su: ri myang thu loo wa zi nghoid- nghoid loug we' Aseing Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

DANIELA 3:26

Houg: lho: Nebukhadneza gi myikhyoem moo" khoem" duang: khyoo: yhe: lho: Shadrag- Meshag- Abednego we"- Gyi: sheung: myhang: thang Mangso da" dei zoo: lagyoo: yi we"- thu loo ge» ga: nyho: yoid kaid da:. Nyangnu" gi houg jang: nyang: thu lo ago".

DANIELA 4:2

Gyi: sheung: myhang: thang Mangso wigi ngoo ri toin" shed byid: da" mau" pho" ziyo' mau" pho" alhoo: again akhyoo" ri tam" gyoo: we'.

DANIELA 4:17

He: zigi lhid zid" zoo" re lhoug yu" nyid da" moug: lagyoo: joem da" myid phyed to" da" khyoo: nghoid da:. Houg: yoomo khyi' khang" moo" mo byu dangain" ri xangsu: byu mungdain: joem dang mo myhang: thang gyi: sheung: da" Mangso yoem: so' wigi vhoeb nyid lho: nyang: gi nyang: khyen: yu da" byu nghoid da" je abui" adoid thang da" byu yiri lang" hau: mungdain: joem ri yo" byid: khyoo: ri si' nhang: da:.›

DANIELA 7:18

Houg: lho: gyi: sheing: myhang: thang Mangso da" byu yigi khokham yoem: so' ri shoug" yu wa wigi hau: ziri apyaid atoo: moo zoem: ci: loo goo" wa» ga: tid da:.

DANIELA 8:14

Gootu: moug: lagyoo: gi «Hau: zigi nab soin 1150 yo' myen" thang: 1150 (1150 nyid") xo' myang shi" wa. Hau: ayo, gyoo: moo nab soin: yo' myen" thang: xoin" ri angei" byid: goo" wa. Hau: thang: Noku Yhoem: Moo" ri doem zhug loo goo" wa.

HOSEA 7:16

Nyangnu" gi nga" jang" mo vi: khyoo: phang: lo" wigi ce: yoem: so' abo da" yu phara" jhang yhe: ago". Nyangnu" gi adu da" lid: yhang: ti" loem age" da" bang: nghoid da:. Nyangnu" da" vhujhung: yigi nghoid boin: dang: tid yoomo nyangnu" gi mi: shid: shid loo goo" wa. Houg: lho: Egutu byu yigi yi juang" byid: goo" wa» ga: tid da:.

DANIELA 8:9

He: khyoug: myid loem akhoug: mo mougpyi: shoid- bidthu shoid yo' dangsoo" to" da" moug: shoid khyoo: yoem: so' cang ju" lo" da" khyoug: nu" daloem: yug thu lo da:.

DANIELA 8:11

Hau: zigi mougkhung: mo gyidab da" khokham nu" rilang" aphoug" akhyoid koid lho: nyang: ri ngei" byid: da" nyid" khang" nyid" mo xoin" ngei" ziri theing: pyam wigi Noku Yhoem: Moo" ri phyo' pyam da:.

DANIELA 9:27

Hau: vhoebkhang" su: gi byu myo" sho' yo' nyhed zain mo geing: teing da" myid veing" khyoo: ri yo" yu to" loo wa. Houg: lho: hau: ayo, agung dayi" lid lo" da" uri xoin" too" byid: ziyo' alu jhungshug ngei" byid: khyoo: theing: pyam loo wa. Gyug mau" pho" ziri Noku Yhoem: Moo" mo myhang: thang joyoo moo to" to" wigi hau: zigi hau: joyoo mo hau: ziri to" too" yug shid re" Mangsoo soin' to" da" lo" thang moo ju" sho' jo, jo, wa.