YOHANES 8:52 - PERJANJIAN BARU NALCA YUBA

⁵² Dara Yahudi nang edya, ”Nunjaʾ neyung Abraham beb, yok-yok senenggom ununumnaʾ lelemek nang enebabya, seleb somogek bok anasa, anja dara, nadya yub ek dib senewoka unululanya bera hyak dib somoganggunumla alamaʾ adya, wera aldib anda bisaʾ gologonjoknya ululamaʾ ella ulunjab.

YOHANES 8:52 Σταυροειδείς Αναφορές

MATIUS 11:18

Yohanes bera yeiniboka, alda gwanenga lobsiniwoka, anggur dok mek anaba denggulumok; dara nim adya dara, Alda bisaʾ wekemla, alamek.

YOHANES 1:19

Yerusalem heikik ulumek Yahudi nang edya, yuba gak nang ab, Lewi nang ab, anda heknya do aboka Yohanes bek heil bululum aboka orugomek dara, Yohanes bedya ban wenyaboka laga lebok,

YOHANES 14:23

Yesus adya dara, ”Ben hnon nak wanaʾ ulunelya dara, alda nadya neklesin yuba sunuwoka ulumnamla. Dara, nadyaʾ neyung bedya alak wanaʾ ulumnamlakanya, Neyung beb, nab alak yeinima dara, alab neikaʾ ulumnamab.

YOHANES 15:20

Wa wenanya bera, alja neyung bek ab imik so unggulumla seleb wenyamsaʾ ara, beklulum. Dara, sikda nak olonyek dara, ugumba olomnesak. Sikda nadya yuba kelenyek dara, ugumba ugunja yuba kelemnesak.

YOHANES 17:6

”Nara anja ululamnya nera, anja sokok an nimi bok doboka nak elegenulum nang ek, seleb laga nekemsa. Nera anja mabo yokaʾ ulumek bok, anja doboka nak elegenulum. Dara, sikda anja yuba pe doboka unulumeekanya,

YOHANES 7:20

Dara ban nimi nauba longomek nim edya alak, ”Anda bisaʾ saleka lenggel de? Heknedya anak ara obgununaʾ ulunggelaʾ anasa lelelam do?” hyek.

YOHANES 8:22

Dara, Yahudi dub nang adya heibdangoka lelemekja, ”Na binyaʾ ak ara ugunda yamenggom alamlaʾ anasa, al damnya obdanamlaʾ ak lelemla de?” aboka lelemek.

YOHANES 8:48

Yahudi nang edya Yesus ak lebekja, ”Imik Neyung yuba donaʾ elgom nang Samaria nimi bisaʾ gologoknya anjubaʾ ara, dib lenjuba do?” hyek.

YOHANES 8:51

Nara ugunuk dib lebsin, nadya yub ek dib senewoka unululanya bera, alda somoknaʾ hyak loboka ulmoublumnamla,” hyok.

YOHANES 8:55

Dara nera, Imik Neyung bek ara, ugunda elgom ululumjok, salyaʾ lelem lelelum. Bok nak dara, alak seleb ella ulumna. Nadya Imik Neyung bek, nara alak elgom ulumna henesinya dara, ugun ululum sok, senenggom sondaʾanya ulumnesinya. Bok, nara Imik Neyung bek ella ulumnakanya, alja yub ek dib senewoka unulamna.

YOHANES 9:24

Dara, onoʾ henga luma yeilimoknya bek yalom aboka youbomek dara, ”Ban ununggelnya benyek malya unaʾanya ulumla, ella ulumabaʾ anasa, henga luma denganggelaʾ anyek, anadya unel aboka Imik Neyung si ok giblom,” hyek.

IBRANI 11:13

Dara ban ganya dib senelemek nimi nidyaʾ ara sikda ban perobaʾ eleganasin amokaʾ ara dobnenggubek. Banera mok ab eiyiwoka dobnob senemek bok, dobnenggubek. Anya sikda aldib sokok anera yok mok soko nim enesoʾ uboka sekel yanggan nang ulumek.

IBRANI 2:9

Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.