YOHANES 7:3 - PERJANJIAN BARU NALCA YUBA

³ Dara, Yesus ak alja weisa badya lebekja, ”Anda yokaʾ-yokaʾ unulumen dara, anja yuba doboka diriga yalamak nang eillilinggenok bar aboka, anyagan Galilea sokok loboka, Yudea sokok binilam.

YOHANES 7:3 Σταυροειδείς Αναφορές

MATIUS 12:46

Wera Yesus ara wenyaboka anyagan ulumek nimi mandebnaʾ eb anam yuba salamek sab-sab, alja genong geb, alja weisab eb yeilimek. Sikda beiyik sam sekoka, Yesus ab eibdangoka yuba sabsibya senewoka ulumek.

MARKUS 3:21

Wera nimi hnonja, ”Alda goloknaʾ gologamla,” alamek yub enyek, alab neikek ulumek nim edya kebek dara, Yesus ak ganagoka bo yanobaʾ aboka bilimek.

MARKUS 3:31

Nen seleb dara, Yesus eilinggeb, alja weisab eb, sikda yek. Dara sikda beiyik sam sekel yeiniboka, Yesus ak sikenek yoululaʾ aboka yuba beibek.

LUKAS 8:19

Dara Yesus eilinggeb, alja weisab eb, Yesus ak yeilimek bok, nimi nauba adya al nong ok okoka oka yanggumek.

LUKAS 8:20

Dara nim adya alak, ”Neyung o, anjaʾ genong geb, anja weisab eb dara, sikda anab eibdanobaʾ aboka yeilimaakanya, beiyik ono seklemak,” hyek.

YOHANES 2:2

Dara, Yesus ab, alja diriga ban nang ab, gel sabokaʾ youmekaʾ ak del yanalum aboka sikbabya youbosik.

YOHANES 6:60

Yesus adya, ban yuba nauba neklesuk sum enyek, alja lelemok yuba dobdongoro balamek nang era, ”Ban lelesil yub enera hyak gasa nong anasa, heknedya keboka dobnamsoʾ ak lelemla do?” wenyalamek.

YOHANES 6:66

Ban wenhyok sum enyek moruwoka, alja lelemok yuba doro diriga ban nang nauba ara, losaaboka alak diriga banggulumek.

YOHANES 7:10

Bok, alja weisab era seleb perob sum meewanobaʾ aboka Yerusalem heikek bilimek dara, onoʾ albabya eimik gelelinga aboka dobgiga nim eilinaʾ orokaʾ anyek bilimok.

YOHANES 7:4

Nimi ben hnon alja lok soʾ unulamlaʾ ara, laga senenggomaʾ nidyaʾ oboka lelewolulaʾ aboka dara, doknoboka gelelenga unuwanggunumso. Seleb unululamaʾ anasa, nimi nidyaʾ hogung ak amalesilom,” wenhyek.

YOHANES 7:5

Alja weisab eneba, Yesus ak dib senewanggumekjok lemek.

RASUL 2:14

Dara Petrus beb, yok goklombadya Imik Neyung yuba len nang sekoka, Petrus bedya yuba nauba bii aboka nimi nauba longomek nim ak lesuk, ”Hemyab o, ugunda Yahudi nim, ugun yok mok nimi Yerusalem heikek ululum nim eb, ban nidyaʾ unulamla ara ugunuk anadya unulamla aboka lebnesin anasa, ugunda pe keblulum,” aboka lelemok.