YOHANES 2:11 - PERJANJIAN BARU NALCA YUBA

¹¹ Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

YOHANES 2:11 Σταυροειδείς Αναφορές

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

YOHANES 1:43

Nenyek sum ara, Yesus ara Galilea sokok binimna senemok. Dara, Pilipus bek eibuk dara, ”Anda nak diriga yananelem,” hyok.

YOHANES 1:50

Yesus alak, ”Ara gal damak ulmalama eibgenekanya lebgenaʾ adya, dib senelam de? Anda hyak senenggom so unaʾ eillilemnelam,” hyok.

YOHANES 10:41

Dara, nimi nauba Yesus ak yalamek. Wera onoʾ sikja dara, ”Yohanes Pembaptis bera alja dara, yokaʾ-yokaʾ hnon lok so beknaʾ dibaʾ ununaʾ orok bok, alda yub adya ok benesemba nekoka unuwanamla alamokaʾ ara aldib lelemok,” alamek.

YOHANES 11:15

Bok, nak Lazarus be ulumlaʾ ak sam unggulumsaʾ adya, eiya dabnel. Wenyek dara, anadya ugunda dib senewanalum dara, pewanesilaʾ anasa, eiya dabnel. Anasa, wen nunda alak binimab,” hyok.

YOHANES 11:47

Dara, Parisi nang eb, sikja Imik Neyung yuba wa gakaʾ dub nang eb adya, yuba sabnobaʾ aboka, mok soko dam nang ak molowoka, sikda nidyaʾ eb bolobdangoka longowoka Yesus ara yokaʾ-yokaʾ hyak nauba lok soʾ ara beknaʾ dibaʾ unulamlaʾ anasa, nunda hekaʾ hubnemab do aboka yuba salamek.

YOHANES 12:18

Yokaʾ-yokaʾ lok soʾ beknaʾ dibaʾ unululanya bera yalamla an yuba kemek dara, nimi nauba Yesus ak pika dibgiga el bilimek.

YOHANES 12:37

Yesus adya nimi hogung ak yokaʾ-yokaʾ hyak lok soʾ unulumok bok, sikda alak dib senenggulumek.

YOHANES 12:41

Yesus ak imik nenemokaʾ anyek eiyiboka, Yesaya ara Yesus amba yuba lelemookanya, ban nidyaʾ ara men lelemok.

YOHANES 14:13

Neyung bek, me adya imik nenewolulaʾ aboka, ugunja or hekaʾ ok do nadya si sibuka mololonumun dara, unulumnesin.

YOHANES 16:27

Ugunda nak alda Imik Neyung ak ab yeilimok senewoka, wanaʾ nauba ulunulumaʾ anasa, Imik Neyung adya ugunuk hnon wanaʾ ulusilekanya, alja yokaʾ-yokaʾ ugunuk eleganasil.

YOHANES 16:30

Anda yokaʾ-yokaʾ nidyaʾ ella ululamakanya, yok nim edya anak yokaʾ-yokaʾ amba leboka salyaʾ heibnenggununggeseng, ara wen ella ulenjab. Anasa, nunja dara, anda Imik Neyung ak ab yeililumaʾ ara, ban adya dib senelenjab,” hyek.

YOHANES 2:1

Liga penya seleb yenemok dara, Galilea sokok Kanaan heikek ara, gela dobdangoka masa youmek dara, Yesus eiling geneba onoʾ neikaʾ unumekaʾ ak ulumok.

YOHANES 2:23

Yahudi nim perob sum meemek sum enyek, Yesus ara Yerusalem heikek ulumookanya, nimi nauba al adya yokaʾ-yokaʾ nidyaʾ lok so unulumokaʾ eiyimeekanya, anasemba leboka alak dib senemek.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 4:3

Ban yuba en kemok dara, Yesus ara Yudea sokok ab loboka Galilea sokok yeilimok.

YOHANES 4:46

Dara, Yesus ara Kanaan heikek mek sirikaʾ bok anggur meka nenemok heikek onoʾ yeilimok. Kapernaum heik ara, soko dubnya bedya me neiknaʾ salamokaʾ ak malamok.

YOHANES 4:54

Yesus ara Yudea sokok abaʾ ara, Galilea sokok yeilimok dara, ban senenggom ununaʾ enyek penenya unumok.

YOHANES 5:23

Neyung bedya ban unumoknya nera, nim adya neyung bek giblemak sok, onoʾ alja me nek giblenokaʾ aboka umok. Wera anasa, heknedya alja me nek gibnenggulumla dara, wera al bokol yeilimoknya bek gibnenggulumla.

YOHANES 6:14

Nimi nauba Yesus adya unumok anyek, hyak lokso unumok eiyimek dara, ”Lok so beknaʾ ununumnaʾ lebnelanya sokok an yanamla, youmaʾ wenyalamekaʾ ara wera alan,” hyek.

YOHANES 6:2

Yesus adya yokaʾ-yokaʾ lok soʾ beknaʾ nauba unuwoka nimi hwelesukaʾ anyek, eiyiboka nimi nauba dirigoka dobdongoro balamek.

YOHANES 6:26

Yesus adya sikenek, ”Nara ugunuk dib lebsin, ugunda nak elenulumnya nenera, nadya yokaʾ-yokaʾ lok soʾ ak unulamnaʾ anyek eiyiboka dib senelumaʾ adya gomaʾ. Ugunda gwaneng deregoka pe demab senelumukanya, nak ebgiga yalanulum.

YOHANES 6:30

Dara sikja, ”Wera neyung o, nunda anak dib senewagenobaʾ aboka, hek lok soʾ unaʾ nu hogung ek unuwanalam do?

YOHANES 7:31

Bok, nimi nauba longomek nim era Yesus ak dib senewoka lelemekja, ”Kristus adya nimi blebnesil aboka eimik eleganesilnya yalya dara, ban ben unulamla sok, yokaʾ-yokaʾ lok soʾ anyek beknaʾ dibaʾ unuwanamla de?” hyek.

YOHANES 9:16

Dara, Parisi nang hnon nang edya lelemekja, ”Sabat mem sum bok alda wa welemlaʾ anasa, alda Imik Neyung ak ab yanggubok,” alamek. Bok, hnon nang edya danyek, ”Malya unaʾanya bedya anaso loksoʾ anyek beknaʾ dibaʾ unuwanamsoʾ gomaʾ,” aboka nauba lelemeekanya, sik moumen gangganaʾ lololdalemek.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

2 KORINTUS 4:17

An wen mekaʾ igin ulusilaʾ anadya, nera wene salek seʾ ok ulusil bok anasa, eimik era hyak senenggom sobaʾ ulmoublemnamla imik nenesinaʾ danesil. Wen an ol neblesilnya nera or mek bok, eimik eleganesilaʾ ara, hyak senenggomaʾ perobaʾ ak eleganesil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

1 YOHANES 5:13

Ugun Imik Neyung bedya me si nek dib senelelum nim ek, ban momnya doboka beibsin. Anadya ugunda dib embengaʾ ulmoubnaʾ ara seleb nunjaʾ ak ulusil senewoka ella dolulumaʾ aboka ubna.