YOHANES 16:2 - PERJANJIAN BARU NALCA YUBA

² Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

YOHANES 16:2 Σταυροειδείς Αναφορές

MATIUS 10:28

Ganya nong anyek on nim era hnon unggulumakaʾ anasa, alda nong bolaʾ dem anyek olomak nim ek, ugunda lok ganya bonggom, mem. Alda Imik Neyung ak hnonok, nong dem ab, ganya nong ab, nidyaʾ hiboka, oboka somoknaʾ dub heikek sam uka desin heikek dabnesilnya bek ok lok ganya bololulum.

MATIUS 24:9

”Anasa ugunuk dara, henga gouboka malya nenewoka dibaʾ obsinokaʾ aboka yok nim ek eleganesak. Ugunda nadya yuba donaʾ nim uboka nasamba ululumaʾ anasa, nidyaʾ soko nim edya ugunuk lek senewanesak.

LUKAS 6:22

Nimi dibaʾ me nemba leboka, sikda ugunuk walamnesak, hnonda bisaʾ si ak geklewoka derelemnesak, hnonda malya nenewoka di songa leboka walasija dara, wera pe ululum.

YOHANES 12:42

Bok, Yahudi dub nang edya, nimi nauba darasam Yesus ak dib senewoka dolomek. Bok, Parisi nang edya, Yahudi nang Imik Neyung gibnaʾ ek weknaʾ mem hisijek aboka, lok anasa, Yesus ak dib senelemab anaʾ ara doknowoka lolomek.

YOHANES 16:25

”Wen ugunuk wenyalasinya nera okoka poboka, gak ara an aboka lenggulusin bok, eimik yanamla sum era, nadyaʾ neyung bek ban men lelesinya loboka, poboka laga lebnesin.

YOHANES 16:32

Ugun doluwoka bokgoknesak salek ara, eimik yanamla, hnonda al wen seleb yal. Ugunda ugunja e pik bokgokoka bindowanalumukanya, nara nabeyok lo bininulum bok, nabeyok unggulumnamna, nadyaʾ neyung beb neikaʾ alablaboka ulumnanam.

YOHANES 4:21

Yesus adya alak, ”Yok yanamla sum enyek, nim adya Imik Neyung ak ara, mein enyekan gomaʾ, Yerusalem heikek ok gomaʾ, giblemnemak ara dib senewalom.

YOHANES 4:23

”Bok eimik yanamla sum era, onoʾ al wen seleb ulumla sum eneba, Imik Neyung bek dib giblemak nim era, ganya adya gibnemak, Imik Neyung alba ulumla sok sunuwoka gibnemak. Ban anaso nimi ganya ara, Imik Neyung adya nak unu gibneneseng senelamla.

YOHANES 9:34

Dara, Yahudi nang edya alak lebekja, ”Anda hyak beiyik ab beibjeknya bok anasa, anja nuk neklesilimaʾ de? bilom,” aboka yakek.

RASUL 5:33

Dara Yahudi nang era, ban wenyaboka lemek anyek kemek dara, sikda hyak yu ganya boboka, yuba len nang ek obnemab aboka ulumek.

RASUL 7:56

Dara Stefanus bedya, ”Wei wera, ugunda kendelulum. Nara im pik gaboka ublakanya, nimi dibaʾ me Yesus ara, Imik Neyung sirik soruk sam sekemla eibna,” hyok.

1 KORINTUS 4:13

Nim adya nuk derewoka wabsin dara, sikenek ara nunja dara, meka lelewoka perob ok lelesab. Dara wenebabya, nunda sokok an sembejaʾ eneso ak ulumab; nim adya lolomak sembejaʾ anaso ulumak senellilisak.

PILIPI 3:6

Ban nenesa leboka, nauba yeirilamsakanya, Imik Neyung yuba donaʾ nimi nauba malya ura obsisa. Nak dara, unuwanalum an yuba donaʾ ak sam amba dara, nara hyak si gegena mekaʾ ponaʾ oroknya bek ulumsa.

WAHYU 6:9

Dara domba me ara lamnya beknaʾ denenaʾ bakal yabok dara, nara sik Imik Neyung yub amba hnon, laga pe lenaʾ sikja boboka lelemeknya nenesa leboka, seleb osik nang edya, sikja ganya era, uka daboka gibnaʾ oulyang damumduk sam eibsa.